PRESS RELEASE

NO.03/2025

SIAHA, 15 Nawh, 2025, Pakhynoh - Atamy dawh 11:30 AM khata Pihnô K. Lawmi, Deputy Secretary (Administration), General Administration Department, MADC Office (Room) thiehpa cha Abeipa lâta pavaosana nata hlâna hneipa a châ. Pihnô K. Lawmi, Deputy Secretary (Administration) Office (Room) thiehpa he DP&AR next to CEM, MADC Room liata a y.

Hlâna programme chyupa taopa châ ta, Pihnô K. Lawmi, Deputy Secretary (Administration) ta biereina hnei ta, Khazoh ngiachhiena nata chhihthana vâ deita ta, he duasu liata aduah theipa châ na ta, he hawhpa duasu liata aduah ta, y thei awpa he a pangiasa rai rai va na, tahpa ta a reih. Abeipa nata MADC liata hriatuhpa nôpawzy hnohta alynabie ei reih hmeiseih, tahpa ta a reih.

Puhpa K. Vanlalliana, Executive Secretary, MADC chhao he Office (Room) thiehpa Abeipa lâta pavaosana nata hlâna programme he â vaw hlao thei hra.

Rev. M. Beichi ta Abeipa lâta pavaosana nata hlâna hnei ta, Khazohpa liata a pahnie phazie reih ta, Biehrai Hlazy 24:1 liatapa bie “Alei nata a chhôh liata a ypa zydua he Abeipa eih châ ta, Khizaw nata a chhôh liata a pahrâpa zydua chhao Abeipa eih a châ.” a tahpa hawhta Khazoh khozie hawhta y phazie nata peimawhzie a reih.

Rev. M. Beichi ta Abeipa lâta thlahchhâna a hnei khai tawhta Abeipa thlahchhâna (The Lord's Prayer) reihparaohpa ta daihti pachhâsapa a châ.

ISSUED BY:

Information & Publicity Department

Mara Autonomous District Council

Siaha.