PRESS RELEASE

NO.60/2023

SIAHA, 20 Pamih, 2023, Hriatuanoh – Atamy dawh 10:30 Am pa ta MADC Budget Session 2023 cha MADC Session Hall liata Puhpa N. Viakhu, Chairman chhihthana ry liata pathaopa a châ.

Chairman ta Bible Kaolaosa Mozy 3:17 reipapuana hnei ta, he khai tawhta Chairman ta a raopa Puhpa Nahlo Solo, 18-Siaha North-I biatuhpa ta MADC Budget Session 2023 Khazohpa lâ pavaosana thlahchhâna a hnei.

Chairman ta Panel of Chairman châta Puhpa Puhpa N. Beihu, 11-Tipa-II biatuhpa nata Puhpa Beihruakhai, 13-Saikao biatuhpa MDC zy raona nata phuahna a hnei.

Chairman ta atliata liata chhâzaw râh la asie hapa Puhpa H. Valai (L), Ex-MDC nata Puhpa Hrangduna (L), Ex-MDC zy taokheina châta ama thâtih chyupa reipapuana hnei ta, member pa 4 - Puhpa Nahlo Solo, 18-Siaha North-I biatuhpa, Puhpa HC. Lalmalsawma Zasai, 15-Amôtlâh biatuhpa, Puhpa MH. Tiabi, 17-Chhaolô biatuhpa, Puhpa M. Laikaw, 1-Tôkalô biatuhpa - zy tawhta pasaileina nata taokheina bie reina ama hnei.

Atakô Budget Session noh 4 chhôh ô awpa, târi 20, 21, 22 nata 23 Pamih, 2023 nohzy liata hneipa awpa he my dawh 10:30 Am tawhta 4:00 Pm taihta hnei tyhpa châ aw ta, dawh 1:00 Pm - 2:00 Pm likawh liata apahâna daihti hmâ awpa a châ.

Atahmâ Session liata unstarred question (ropa ta achhy awpa) sâ 9 nata pakah ta achhy awpa 33 y ta, atanoh châta my râh liata starred question sâ 6 hiahrina nata achhyna hneipa châ ta, zâlâ liata Puhpa M. Laikaw, CEM, MADC tawhta Budget Speech 2023-2024 nahthliepa ta atanoh châta daihti pachhâsapa a châ.

Kô 2023-2024 châta MADC Budget Estimate cha Rs. 17,973.48 Lakhs cha târi 23.3.2023 liata Discussion nata Passing hnei achhuahpa a châ.

ISSUED BY:

Information & Publicity Department

Mara Autonomous District Council

Siaha.