PRESS RELEASE

NO.29/2022

SIAHA, 22 Pamih, 2022, Hriaheinoh – Atamy dawh 10:30 Am liata MADC Budget Session 2022 cha Puhpa H. Sahlo, Chairman chhihthana ry liata pathaopa a châ.

Chairman ta Business rei pathao hlâta Bible Biesozy 15:1-3 reipapuana hnei ta, he khai tawhta MADC Budget Session 2022 Khazohpa lâ pavaosana thlahchhâna a hnei.

Chairman ta Panel of Chairman châta Puhpa Puhpa K. Beihlô, Counail Vaih (21-Siaha South-II) biatuhpa nata Puhpa FC. Rehmo, Chapi (6-Chapi) biatuhpa MDC zy raona nata phuahna a hnei.

Puhpa V. VB. Byhna, New Colony (20-Siaha South-I) biatuhpa, Puhpa K. Hrahmô, Chakhei (7-Chakhei) biatuhpa, Puhpa M. Laikaw, Tokalo (1-Tokalo) biatuhpa MDC zy he khitlyna vâ nata chhôhkha lâ hmo vâta atanoh Session liata ahlao thei leipazy ama châ.

Puhpa AB. Roma (L), Ex-MDC taokheina châta Puhpa H. Sahlo, Chairman ta a thâtih reina hnei ta, House Leader Puhpa N. Zakhai, Amôbyuh (14-Amôbyuh) biatuhpa nata Opposition Leader Puhpa HC. Lalmalsawma Zasai, Amôtlâh (15-Amôtlâh) biatuhpa zy ta Puhpa AB. Roma (L) kyh liata biereina chyupa ama hnei.

He Session he noh 3 chhôh ô awpa châ ta, târi 22, 23 nata 24 Pamih, 2022 nohzy liata hneipa a châ aw. My dawh 10:30 Am tawhta 4:00 Pm taihta hnei tyhpa châ aw ta, dawh 1:00 Pm - 2:00 Pm likawh liata apahâna daihti hmâ awpa a châ.

Atahmâ Session liata unstarred question (ropa ta achhy awpa) sâ 4 nata pakah ta achhy awpa 22 y ta, atanoh châta my râh liata starred question sâ 7 hiahrina nata achhyna hneipa châ ta, zâlâ liata Puhpa N. Zakhai, CEM, MADC tawhta Budget Speech 2022-2023 nahthliepa ta atanoh châta daihti pachhâsapa a châ.

Kô 2022-2023 châta Budget Estimate cha Rs.17,468.99 Lakhs châ ta, he he târi 24.3.2022 liata Discussion nata Passing hnei a chhuahpa a châ.

ISSUED BY:

Information & Publicity Department

Mara Autonomous District Council

Siaha.