PRESS RELEASE

NO.35/2024

 

SIAHA, 20 Pamih, 2024, Pakhynoh – MADC Budget Session 2024 cha atamy dawh 10:30 AM pa ta MADC Session Hall liata Puhpa N. Viakhu, Chairman chhihthana ry liata pathaopa a châ.

Chairman ta Ephesi 5:9 reipapuana hnei ta, he khai tawhta Chairman ta a raopa Puhpa Nahlo Solo, 18-Siaha North-I biatuhpa ta MADC Budget Session 2024 Khazohpa lâ pavaosana thlahchhâna a hnei.

 

Atliata liata Nominated MDC lapangiapa  Puhpa Delson Nôtlia, Puhpa B. Dawpho, Pihnô B. Pari nata Pihnô N. Gracy zy, he Session liata alypangiana hnei pâpa châ ei ta, Pihnô N. Gracy deikua tlâhleina vâta atahmâ Session liata â hlao thei leipa a châ.

 

Chairma ta Puhpa C. Chehnei, 6-Chapi biatuhpa MDC cha Budget Session 2024 pavaosana thlahchhâna hnei awpa ta hrua ta, ano ta thlahchhâna daihti a hmâ khai tawhta Chairman ta Panel of Chairman châta Puhpa Beihruakhai, 13-Saikao biatuhpa nata Puhpa Beihu Nôhro, 11-Tipa-II biatuhpa MDC zy raona nata phuahna a hnei.

 

Atakô Budget Session noh 3 chhôh ô awpa, târi 20, 21 nata 22 Pamih, 2024 nohzy liata hnei awpa he my dawh 10:30 AM tawhta 4:00 PM taihta hnei tyhpa châ aw ta, dawh 1:00 PM - 2:00 PM likawh liata apahâna daihti hmâ awpa a châ.

 

Atahmâ Session liata unstarred question (ropa ta achhy awpa) sâ 6 nata pakah ta achhy awpa 33 y ta, atanoh châta my râh liata starred question sâ 8 hiahrina nata achhyna hneipa châ ta, zâlâ liata Puhpa M. Laikaw, CEM, MADC tawhta Budget Speech 2023-2024 nahthliepa ta atanoh châta daihti pachhâsapa a châ.

 

Atahmâ Budget Session liata Official Bill and Rules sâkha raihrie y ta, atanoh liata phawpa ta târi 21.3.2024, mylâ liata pass apachhuahpa a châ, cha nahzy cha:-

 

1. The Mara Autonomous District Council (Marriage and Divorce Bill, 2024)

2. The Mara Autonomous District Council (Animal Husbandry and Veterinary Department Group 'A' Post) (Recruitment) Rules, 2024

 

Kô 2024-2025 châta MADC Budget Estimate cha Rs.21,736.21 Lakhs cha ta, târi 22.3.2023 liata Discussion hneipa ta Pass achhuahpa a châ.

 

ISSUED BY:

Information & Publicity Department

Mara Autonomous District Council

Siaha.