PRESS RELEASE

NO.61/2023

SIAHA, 20 Pamih, 2023, Hriatuanoh – Atanoh dawh 2:30 Pm pa ta New Laty Joint NGOs - MTP, MCHP & MSO zy ta ama biatuhpa MDC Puhpa Beirahmo Syhly, EM i/c RD etc. cha a office chamber liata programme chyupa taopa ta alykheina daihti ama hmâh.

He daihti he Puhpa LC. Zahmô, Secretary i/c Finance & Account (MTP) ta chhihtha ta, Puhpa K. Ngiachho, Adviser (MCHP) ta pavaosana thlahchhâna a hnei. Puhpa S. Hneiro, Adviser (MTP) ta alykheina bie nata khokheina bie reih ta, he khai tawhta all NGOs zy ta hmosai piepa Sash nata Ryuchâ ama hlâ hleikhô ta a lahpinô Pihnô Patricia T. Azyu. SWO hnoh ta sash ama hlâ hra.

New Laty NGO zy he ama zydua ta manôh 23 châ ei ta, Puhpa BT. Johnson, President (MTP) ta All NGOs vyuhpa ta alynabie a reih.

Puhpa Beirahmo Syhly, EM zachhihpa chata New Laty NGOs zy hmopha taona kyh liata alynabie reih ta, Laty bia zawpi khokheina vâta MDC Term 3 a vaw tlohpa liata ku ruapa ta y mâh leipa ta, he zy he Khazohpa ngiachhiena vâdeita a châ tah ta, Khazohpa nata bia zawpizy hnoh ta alynabie a reih.

MADC budget chyhta tawhta Mararâh chakao awpa nata zawpi peimawhna mopa ta nôpo â chhih kaw tyh tahpa reih ta, anodeikua MADC he, atahmâ hawhta y ngâthlâh leipa aw ta, duahmo pha viapa eima hnei aw tahpa hnabeiseihna chô ta thlahchhâna liata apavaosapa ta Mararâh hmahsiena lâ pangai  awpa liata zawpi chhao ta Mararâh hmah pasiesa awpa ta kheihta tlai ma eimâ patohpatia tahpa amohpakia chhao â daih haw tahpa a reih.

Hmahsiena he Achuna (Education) liata â pahnieh hluh kaw tah ta, student zy hmahsie thei nawpa ta hmah la awpa apeimawh hmeiseih tah ta, NGOs zy ta Teachers nata Student-zy mokhei tah, ama rairunazy pahnokhei awpa apeimawh kaw a tah; EM zachhihpa chata NGO zy hnoh ta Pachutuhpa tha patlô awpazy, Siku hâtizy aphana lâta pasyu awpazy, pachutuhpazy nahta hriaparaoh awpa apeimawhna kyhzy reih ta, khitlâh peimawhpa hmozy liata New Laty NGO zy cha hrialâhpa phapa châ awpa ta hruana nata ahawna taopa ta atanoh liata manôh avaw lykheituhp zydua hnoh ta palôh hmeiseihpa ta alynabie a hlâ ei.

EM zachhihpa he Puhpa Vabeikhaihmo Solo, SCO, Puhpa Beirôkhu Beitâ, I & PO, Pihnô Patricia T. Azyu, SWO zy ta ama chakaochahlâ.

ISSUED BY:

Information & Publicity Department

Mara Autonomous District Council

Siaha.