Mara Autonomous District Council (MADC), Siaha, Government of Mizoram, India

PRESS RELEASE

NO.65/2023

SIAHA, 24 Pamih, 2023, Chutynoh - Atanoh zâlâ dawh 2:00 Pm pa ta Puhpa MH. Tiabi, EM i/c School Education (MS) nata Chairman, Board of Mara Literature (BML) office chamber liata Mara Writers’ Club (MWC) pachhuahpanohpa Book of the Year 2022 result phuahna nata lymâ raina hneipa châ ta, Puhpa MH. Tiabi, Hon’ble EM cha khichhai laipa châpa ta programme a hmâ khei.

Puhpa FC. Chhuasa, President, MWC ta programme chhihtha ta, Pro. Pastor C. Jonathan ta devotion a hmâh. Puhpa JB. Chozah, Art & Culture Promotion Officer ta biereina chyupa daihti a hmâh. Lymâ adaotuhpa chhôhkha lâ tawhta alynabie reina daihti ama hmâh chyu hra.

Khichhailaipa Puhpa MH. Tiabi, Hon’ble EM chata biereina chyupa daihti hmâh ta, BML Chairman a vaw châ tawhta Mara reih laiseih nawpa kyh liata a maophaohna pahno via heihpa ta a theina hawhta hmahla lymâ awpa â chhuahzie reih ta, chavâta BML he MADC Budget Estimate 2023-24 liata minor head ta so hapa a châ tahpa reih ta, Mara reih hmahsie nawpa nata laiseih nawpa kyh liata MWC zy cha hrialâh phapa châ lymâ awpa ta hruana tao ta, atanoh liata lymâ a daopa zydua hnoh ta alykheina nata khokheina a hlâ ei.

MWC Book of the Year 2022 lymâ, adaotuhpa nata ama châbu mohzy ary liata palâsapa a châ:-

1. First Prize = ₹.5,000/- & Ryuchâ

Adaotuhpa = Revd. NC. Vabeilua

Châbu moh = Athaotôna Thâtih

2. Second Prize = ₹.3,000/- & Ryuchâ

Adaotuhpa = Puhpa PP. Thawla

Châbu moh = Va sie tyh

3. Third Prize = ₹.2,000/- & Ryuchâ

Adaotuhpa = ECM Bethesda KTP

Châbu moh = Viasa

ISSUED BY:-

Information & Publicity Department