PRESS RELEASE

NO.70/2022

SIAHA, 1 Khihpa, 2022, Chutynoh – Atanoh dawh 11:30 Am pa ta MTP, MSO & MCHP General Headquarters, Siaha President & General Secretary zy ta Puhpa H. Malvina, CEM, MADC zachhihpa nata a hrialâhpazy ahmôna nata alykheina hleikhô ta ti nata râh châta peimawh ama tahpazy tlô kheipa ta apakyhna ama hnei.

He ahmôna liata Puhpa PP. Zalena, President, MTP Gen. HQ ta chhihtha ta, Pihnô P. Chaki, President, MCHP Gen. HQ nata Puhpa Pakhaw Choza, GS, MTP Gen. HQ zy ta Joint NGOs vyuhpa ta ti nata râh châta hmo peimawhpa nata hmahla awpa peimawhpazy ama reih.

He ahmôna nata apakyhna liata eima râh liata Ohmo lyuhmo kyh zy nata Refugee kyh zy rei pâpa a châ.

MADC nôpawpa lâ tawhta Puhpa H. Malvina, CEM, Puhpa N. Viakhu, Chairman nata Puhpa Nahlo Solo, EM(Rev.) zy ta biereina chyupa hnei ei ta, 12th Term MADC he ta Mararâh châta hmo peimawhpazy liata cha NGO zy nata apeimawhna hawhta hriaparaoh lymâ awpa ta amâ pahyzie reih ei ta, ti nata râh pha nawpa liata cha NGO zy nahta ama palôh â raoh khai tahpa ama reih hra.

MTP General Headquarters tawhta Puhpa PP. Zalena, President & Puhpa Pakhaw Choza, General Secretary zy ahlao ei ta, MSO General Headquarters tawhta Puhpa T. JB. Rona, President nata Puhpa Byhna Chozah, General Secretaty zy ahlao ei ta, MCHP General Headquarters tawhta Pihnô P. Chaki, President nata Pihnô B. Ngiasô, General Secretary zy amâ hlao.

MTP, MSO & MCHP General Headquarters, Siaha leader zy he ta 12th Term MADC he apalâ kawpa ta ama siekhei thei nawpa ta 12th Term MADC CEM Puhpa H. Malvina nata a hrialâhpazy khokheina ama hlâ. 

ISSUED BY:

Information & Publicity Department

Mara Autonomous District Council

Siaha.