PRESS RELEASE

NO.35/2023

SIAHA, 14 Hmypi, 2023, Hriaheinoh - Atanoh dawh 1:00 Pm pa ta MTP Branch: Amôtlâh-I zy ta CEM’s Chamber liata Puhpa M. Laikaw, Hon’ble CEM, MADC alykheina ryuchâ hlâpa ta palyupalina daihti ama hmâh.

He daihti he President C. Beiryrao ta chhithana ta, ryuchâ hlâna chhao a hlâ pâ hra.

Puhpa M. Laikaw, CEM zachhihpa chata alynabie reih ta, chahleikhôpa ta MADC, Awnanopa nata NGO zy apakaohpa ta Marapa râh liata Pari theipa adyuhna eima kaw hnei nawpa liata maophaona a chaba tuh chai awpa cha MTP Branchzy ama châzie reih ta, he kyh liata MTP Branch: Amôtlâh zy cha tiama papua khei awpa ta ahawna nata hruana a tao pâ hra. 

Atanoh CEM zachhihpa alykheina liata MTP Branch: Amôtlâh chhituhpa tawhta C. Beiryrao (President), KC. Zahu (Gen. Secretary), C. Lalropuia (Asst. Secretary), HC. Vabeihropha (Secy. i/c Games & Sport), Ruthi T. Beipawngia (Executive Member) zy amâ vaw hlao thei.

ISSUED BY:

Information & Publicity Department

Mara Autonomous District Council

Siaha.