PRESS RELEASE

NO.35/2025

SIAHA, 2 Pachawh, 2025, Pakhynoh - Atanoh dawh 1:30 PM kha ta Middle School Teachers’ Association (MSTA), District Headquarters, Siaha chhituhpazy ta Puhpa M. Laikaw, Hon’ble CEM, MADC cha a office Chamber liata a hmô ei ta, rairuna amâ tyhpazy ama tlôkhei.

MSTA zy ta MADC Education Service Rules hnei awpa ta hmahlana asie   lymâpa liata, takô  Monsoon Session 2025 liata angiakheipa awpa ta amâ hawna kyh zy, Headmaster interview call chiehpa pa-i awpa kyh zy, Middle School   Fourth Grade 2 liata pakha Primary School lâ so laihpa ta rairuna amâ tyhpa zy, WE Teacher kyh zy reikheipa ta ahawna ama tao.

Puhpa M. Laikaw, Hon’ble CEM chata “MADC Education Service Rules he Dâhphôh hawhta file vaw sie khai tua awta, Monsoon Session 2025 liata â vaw ngia thei bâ aw” tahpa achhy ei ta, Headmaster pa-i awpa kyh liata “Phusâ byuhpa a châ vâta thlaita tao theipa châ leipa ta, daihti rypaohpa hâ haipa a châ” tah ta, Fourth Grade kyh liata, NEP apadady pathao laihpa châ ta. Class-V he Primary lâ â vaw bai khiah cha,  Fourth Grade peimawhna â vaw sâh kaw bâ vâ nata, athiehpa ama la thei mâh leipa vâta pahnokhei thai chy awpa ta MSTA leader zy â haw ei.

WE Teacher lana kyh reikheipa liata ku zozâh athai kawpa nata Class chhao la thei awpa ta pachâpazy la laihpa a châ zie a chho hra ei.

MSTA leader zy ta hmosaipiepa Mara chapaw poh  ‘Chylao’ ama piepa vâta Puhpa M. Laikaw, Hon’ble CEM chata MSTA Leader-zy hnoh ta alynabie a reih.

ISSUED BY:-

Information & Publicity Department

Mara Autonomous District Council

Siaha.