PRESS RELEASE

NO.166/2022

SIAHA, 31 Phiata, 2022, Hriatuanoh - Atanoh dawh 1:30 PM pa ta Mara Students' Organisation, Sub- HQ, Phura, Mara Students' Organisation, Phura Branch nata Phura Students' Sub - Committee (PSSC), Siaha chhihthatuhpazy ta Puhpa H. Malvina, CEM, MADC alykheina ryuchâ (citation) a office chhôhpadâh (chamber) liata ama vaw hlâ.

Alykheina programme he B. Pily, President, Mara Students' Organisation, Sub- HQ, Phura ta chhihtha ta, HC. Vanlalrôhlua, Executive Member, MSO Branch, Phura, St. Isaia, Chairman, PSSC, Siaha nata H. Thangtinliana, Vice President, MSO, Sub-HQ, Phura zy ta pasyunabie pha kawpa reina ama hnei.

Alykheina ryuchâ liata he hawhta ama roh.

Puhpa H. Malvina, CEM

12th Term MADC General Election liata hlaotlohna vaw to chi ta, Mara râh ryureina sâh chaipa (MADC) liata tovyuh sâh chaipa Chief Executive Member na châpa he MSO Sub-HQ : Phura ta eimâ châ palaikhei hmeiseih.

Hmialâ na sie laih lymâ nawpa liata Abeipa ta cha chhihtha lymâ sala, na bia nata na râh châta raiphapa na hria lymâna kyh liata thathiehpa cha pie sala cha chhihtha lymâ mawh sy, tahpa ta ama roh.

Puhpa H. Malvina, CEM, MADC ta pasyunabie a reipa tlâhpi viapazy:

Ryutlohpa ryuchâ hlâ awpa ta ei office chhôhpadâh (chamber) lâ na vaw pangai ei chi ta ei châ ly hmeiseih ei. Nâmo thyutliazy ei chi he eima cha mokhâh kawpa châ ei chi ta, a pha kawpa ta, tiama kawpa ta, hmopha leipa arâsaipa ta, Khazohpa pahnona chôta tiama papua ta Khazohpa ta talent a cha piepa ei pahno achhuah ta, patuapaluana nama hmâh thai kaw awpa he peimawh ngaita kaw ta hlaotlohna thaby a châ tahpa he ei cha chho khoh ei.

Hlaotlohna hnei awpa ta Self-control hnei awpa byuh ta, tiama patlua awpazy byuh ta, viasazy ta hmopha leipa tao la, tah la tahpa mai tao thlâh leipa ta palôh hnei kawna chôta tiama papuapa ta namâ chuna liata hlaotloh cheingei namâ chhhuh awpa ta ei châ haw ei.

Hnabeidy leipa ta tao hualuapa he hlaotlohna a châzie a thiehpa ta nama pahno awpa ta ei cha chho khoh ei. 

Ei châ ly kaw ei.

Solomon L. Beihrokhei, Secretary, PSSC, Siaha ta thlahchhâna a hnei khai tawhta Bei Zisu thlahchhâna miah pachupa reihparaohpa ta daihti pachhâsapa a châ.

ISSUED BY:

Information & Publicity Department

Mara Autonomous District Council

Siaha.