PRESS RELEASE

NO.2/2022

Siaha, 7 Nawh, 2022, Chutyhnoh – Atanoh dawh 12:00 AM liata Mara Students Organisation, General Headquarters, Siaha liata chhihthatuhpazy ta Puhpa K Chhihrau, Executive Secretary, MADC thiehpa alykheina pawpi sao (bouquet) ama vaw hlâ.

Puhpa K Chhihrau he MSO General Headquarters, Siaha liata General Secretary post two consecutive terms (1992 - 1996) a vaw patu chiehpa châ ta, cha hnaihta atahmâ ta MSO Gen. Hqrs liata chhihthatuhpazy ta MADC liata Executive Secretary a vaw châpa amâ lykheizie palâsapa ta pawpi sao (bouquet) ama vaw hlâpa a châ.

Puhpa K Chhihrau chhaota MSO Gen. Hqrs liata Ex-General Secretary a vaw châna lâ tawhta pawpi sao (bouquet) ama vaw piepa cha â lyzie reih ta, MSO nahta hmialâ ama sielaih lymâ n'awpa liata hriaparaohna phapa eima hnei cheingei nahta a pangiasazie chhao a reih hra. Atakô April 29, 2022 pa ta MADC Golden Jubilee chhao a pha kawpa ta eimâ hmâh khoh chyu thei n'awpa ta eima zydua ta eima thlahchhâna liata eimâ thei chyu awpa ta â haw pâ hra ei.

Puhpa CH.Beikhochhi, President, MSO Gen. Hqrs chhaota Puhpa K. Chhihrau, MSO Gen. Hqrs liata G.S term no a vaw patu hapa ta MADC liata Executive Secretary a vaw châpa â lykheizie reih ta, hriaparaohna phapa ama hnei cheingei nahta a pangiasazie chhao a reih pâ hra.

Puhpa Judson KT. Zephata, General Secretary, MSO Gen. Hqrs chhaota pasyuna bie pha kawpa reina a hnei hra.

He programme liata a vaw hlao theipazy cha:- Puhpa CH. Beikhochhi, President, MSO Gen. Hqrs, Puhpa Judson KT. Zephatha, General Secretary, MSO Gen. Hqrs, Puhpa T. John Tennyson, Finance Secretary, MSO Gen. Hqrs, Puhpa Beihruasia Miehlo, Executive Committee Member, MSO Gen. Hqrs, Puhpa Sahlo Hlychho, Executive Committee Member, MSO Gen. Hqrs, Puhpa Derick Salai Solo, Under Secretary (DP&AR), MADC, Puhpa HC. Beikhai, Deputy Secretary (GAD) MADC nata Puhpa Pawsa Lava, AITO, MADC zy ama châ.

ISSUED BY:-

Information & Publicity Department

Mara Autonomous District Council

Siaha.