PRESS RELEASE
NO.81/2026
Siaha, târi 25 Thlarâh (Chutyhnoh), 2026 - Finance Commission Grants & Rashtriya Gram Swaraj Abhiyan (RGSA) Scheme ADCs ku liata a y tyhpa cha atlia liana khata Mizoram Sawhkhâ ta RD & AD Notification No. A-35/4/2026 (E-36409), 28th August, 2026 hmâpa ta implementing Agencies châ ta DRDOs a tah hapa cha Râh Chhihthatuhpazy hmahlana ta ADCs zy hnohta RD & AD Notification No. A-35/4/2026 (E-36409), 23rd September, 2026 hmâpa ta hlâ paliepa a châ.
Finance Commission Grants & RGSA Scheme Implementing Agencies châ ta Autonomous District Councils a châ tyhpa State Sawhkhâ ta DRDOs ku liata so khai awpa a tahpa cha Râh Chhihthatuhpazy ta pachâ ei ta, Indian Constitution ry liata paduapa District Council biehneina chhuna nata 2nd State Finance Commission Recommendation paraona hawhta ama pachâpa vâta ADCs vyuhpazy - Puhpa K. Chhuabei, EM i/c LAD, MADC, Puhpa Kali Kumar Tongchangya, Chairman, CADC leh Puhpa Lalzahawma Chinzah, EM i/c LAD, LADC zy cha târi 6 Thlarâh, 2026 liana khata Mara House, Aizawl liata amâ hmô pakhy. He a hmô pakhyna lia heta hmahlana awpa kyh reipahmaohna ama hnei. He a hmô pakhyna lia heta Puhpa L. Prisila, EM i/c PWD, MADC leh Pihnô S. Lalmuanpuii, Sr.LAO zy chhao amâ hlao hra.
Târi, 7 Thlarâh, 2026 khata Puhpa Prof. Lalnilawma, Minister, RD & AD cha a Office liata a hmô pa ta Finance Commission Grants & Rashtriya Gram Swaraj Abhiyan (RGSA) Scheme cha District Councils ry Local Administrative Departments zy cha Implementing Agencies châta hmâh heih awpa nata Mizoram Sawhkhâ Notification papua hapa cha phie(revoke) awpa ta Minister hnohta ADCs Nôpawpazy ta ama tlôkhei. RD&AD Minister chhaota apahy kawpa ta ADCs vyuhpazy ta bie ama tlôkheipa cha achatliena lâta alaichadai awpa nata hmah a vaw la pazi aw tahpa ta â chhy ei. Châhrasala, charâ ta notification a pua hapa phiepa(revoke) a châ leipa vâta Puhpa Dr K. Beichhua, Siaha Biatu MLA nata Pu K. Hrahmo, Pala Biatu MLA zy cha Chief Minister a daoh awpa ta ahawpa ama châna hawhta târi 17 Thlarâh, 2026 noh zâlâ dawh 3:00 PM khata Puhpa Lalduhoma, CM Mizoram amâ daoh.
Puhpa Dr K. Beichhua, MLA leh Puhpa K. Hrahmo, MLA zy nata District Councils Vyuhpazy ta amâ hawna châ Mizoram Sawhkhâ chhaota vaw pachâ peimawhpa ta târi 23 Thlarâh,2026 liana khata RD&AD Notification pua tuapa cha phiepa(revoke) a vaw châ ha.
ADCs Chhihthatuhpazy ta Mizoram Chief Minister Puhpa Lalduhoma nata RD Minister Puhpa Prof. Lalnilawma nata Mizoram Sawhkhâ Official chôta amâ ly hmeiseih, tahpa ta Puhpa K. Chhuabei, EM (LAD) , MADC tawhta bie daopa a châ.
ISSUED BY:
Information & Publicity Department,
Mara Autonomous District Council,
Siaha.
