PRESS RELEASE

NO.83/2023

SIAHA, 23 Chhiepa, 2023, Chutynoh - A tliata lia khata Mara Thyutlia Py (MTP) Branch, ECM Vaih, Siaha pachhuahpanohpa "Kulva Mela" cha ECM School, Siaha tlyliah liata hneipa châ ta, he châ heta Mara Autonomous District Council (MADC) lâta MADC Trading Regulation 2012 hawhta permission MADC liata ama la leipa vâta "Show Cause Notice" piepa châ ei ta, amâ vaw reihpasianazy a phata ta pachâpa a châ tawhta eima nôpaw nahzy ta Mela siekhei ngâhaipa cha pazao via awpa ta permission he târi 23th June 2023 to 30th June 2023 taihta piepa ama châ.

He kyh liana heta Mara Zawpizy ta eima pahno awpa peimawh kawpa cha, eima râh liata he hawhpa Industrial Fair, Trade Expo nata Mela, etc. zy vaw pachhuahpanoh tyh pi ta, MADC ta permit a pie awpa a châ nota permit pie theituhpa a châ leipa Deputy Commissioner (DC) lâ permit eima vaw hiah tyh. 

Indian Constitution Sixth Schedule ry liata eima power zy eima pabohsa lymâ awpa he hmo peimawh kawpa a châ. He he Mararâh zawpizy ta eima vaw pahno bâ awpa ta eimâ vaw haw.

ISSUED BY:

Information & Publicity Department

Mara Autonomous District Council

Siaha.