SIAHA, 27 March, Hriaheinoh(MADC) - 11th Term Mara Autonomous District Council(MADC), Budget Session, 2018 cha târi 29 March, 2018, Pobiehnoh tawhta pathaopa a châ aw tahpa Puhpa Pachi Hlychho, Secretary to the District Council(Legislative Secretariat) ta Member of District Council, MADC zydua hnoh ta pahnosana a tao.

He pahnosana he târi 19.3.2018 liata taopa châ ta, Budget Session he târi 29 March, 2018 nata 2, 3, 4 April, 2018, noh palih ôpa ta hneipa a châ aw.

Atakô Budget Session he Starred Question 33 nata Unstarred Question 4 y ta, Budgest Estimate 2018-2019 he Pathao noh liata phawpa châ aw ta, pachhâ noh liata Pass pa a a châ aw.

Sitting Hours he noh kha liata ei no lâ ta pachhaihpa châ ta, myrâh liata 10:30 AM – 1:00 PM châ aw ta, break dawh kha chhôh hnei khai tawhta 2:00 PM – 4:00 PM pa ta hnei pazao tyhpa a châ aw.

2018 Budget Session a su liata a moh khohpa châ ta Balcony lâ tawhta moh theipa châ ta, Officers(HOD) zy châta Session Hall level liata Media chyhsazy atyuna taopa tawhta moh theipa a châ hra.

Department to liata Question achhy awpa ahneipazy cha ama Officer tly ma, ama Staf f zy tlyma, a hlao cheingei hra awpa a châ.

Apatohpatiana liata NSV nata HSV siepahliepa ta Live Telecast piepapuapa châ aw ta, Live Telecast liata Sound system chhao apha viapa ta tao awpa ta hmah lapa a châ hra.

(Written by BeiRôkhu Beitâ I & PO, MADC)