PRESS RELEASE

NO.105/2022

SIAHA, 1 Thlarâh, 2022, Pobienoh – Atanoh dawh 10:00 Am kha ta South Korean nata Norway râhzy tawhta avypa Pastor Kim, Pastor Peter, Pastor Ivan nata Lawngtlai tawhta âmo a vaw chhituhpa Rev. Dr. Awng zy ta Mararâh liata Refugeezy deichhyna kyh liata Puhpa HC. Lalmalsawma Zasai, Dy. CEM, MADC, a pahrâna O, Council Vaih liata amâ hmô.

He Awnano chyhsazy he ta Mararâh liata Refugeezy thâtih achupasia awpa ta avy ei ta, Refugeezy ta sawhkhâ tawhta baona hmô hlithâ vei ei tahpa ama pahno vâta hmialâ daihti liata ama Awnanopa nata Foreign lâ tawhta baona a y thei awpazy a y ti ta sôhzy sievawna kao (channel) dopa liata siepa ta, a châna dopa liata hmâpa a châ thei nawpa ta MADC nata ahrialâh awpa ama khoh zie, Dy. CEM hnoh ta tlôkheipa ta amâ hmôpa a châ.

Puhpa HC. Lalmalsawma Zasai, Dy. CEM zachhihpa chata, he khichhai phapazy he a no pahrâna O liata avaw ly ta, ano mo pakha ta cha âmo nahta hrialâh awpa apha a tahzie reih ta, eima râh liata refugee ypazy deichhyna nata mohôhna kyh a châpa vâta ano nata MADC liata a hrialâhpazy chhao ta vaw reih aw ei ta, hrialâh awpa apha ama tah sai nahta a hnabeiseih zie chhao a reih hra.

Âmo avaw chhituhpa Baptist Pastor Rev. Dr. Awng he Global Chin Christian Federation ry liata Executive Secretary chakaona rai hria ngâhaipa châ ta, a chakaona Chin Refugee Committee, Mizoram siepahliepa ta atahmâ he Awnanopa lâ liata LIKBK, BCM, ECM etc. zy nahta ahrialâh hai ei ta, sôh ahniahnipa kyh avaw châ ti ta MADC nahta hrialâh awpa ama khoh vâta atanoh liata Dy. CEM amâ hmôpa a châ.

Puhpa HC. Lalmalsawma Zasai, Dy. CEM zachhihpa chata lâ hla pi tawhta avypa Rev. Dr. Awng nata a team nahzy hnoh ta alynabie a reih.

ISSUED BY:

Information & Publicity Department

Mara Autonomous District Council

Siaha.