Siaha, 1 Hmypi, 2023, Pakhynoh – Atanoh dawh 12:00 Noon pa ta MADC Officers Association liata chhihthatuhpazy ta Puhpa M. Laikaw, Chief Executive Member, MADC thiehpa alykheina pawpi sao (bouquet) Pihnô N. Elizabeth, Treasurer, MADCOA ta MADCOA vyuhpa ta a hlâ. MADCOA chhihthatuhpazy ta MADC liata Puhpa M. Laikaw, Chief Executive Member a vaw châpa amâ lykheizie palâsapa ta pawpi sao (bouquet) ama vaw hlâpa a châ.

Puhpa M. Laikaw, CEM, MADC chhaota Chief Executive Member a vaw châna lâ tawhta pawpi sao (bouquet) ama vaw piepa cha â lyzie reih ta, MADCOA nahta hmialâ ama sielaih lymâ n'awpa liata hriaparaohna phapa ama hnei cheingei nahta a pangiasazie chhao a reih hra. 

MADC Officers Association chhihthatuhpazy ta alykheina nata apakyna ama hneina lia heta MADC ry liata Officers zy ta ama pachâ peimawh ngâsâ tyhpa Memorandum chhao CEM hnohta pangiapa nata tlôkheipa châ ta chazycha: Service Encroachment, Service Extension, Promotion Chôchâh, Same Grade Same Post nata A/Roll tao n'awpa chôchâh zy a châ. 

Puhpa M. Laikaw, CEM, MADC chhaota justice papeimawhsa chai ta a byuh â ngiahna dâh hawhta a taotheina rakha liata hmahlakhei â chhuahzie MADCOA chhihthatuhpazy a chho hra ei.