PRESS RELEASE

NO.122/2024

SIAHA, 26 Phiapi, 2024, Hriaheinoh – Atanoh dawh 10:30 AM kha ta noh 2 chhôh ôpa Mara Autonomous District Council (MADC) Winter Session 2024 cha, a noh 2 nawpa ta MADC Session Hall liata hnei pathaopa a châ.

Myrâh liata atyupahmaohna he Puhpa C. Chehnei, Dy. Chairman, MADC chhihthana ry liata hneipa châ ta, myrâh liata List of Business hawhta hiahrina nata achhyna daihti hmâpa liata hiahrina sâ 12 ypazy cha achhy khaipa a châ.

Zâlâ liata atyupahmaohna he Puhpa N. Viakhu, Chairman chhihthana ry liata hneipa châ ta, a ry liata Official Resolutions nata Official Bills palâsapazy he zâlâ liana he ta reipahmaohna nata apykheina hneipa a châ:-

Official Resolutions (Adoption of Rules and Regulations):-

1. Central Civil Services (Conduct) Rules, 1964

2. Central Civil Services (Classification, Control and Appeal) Rules, 1965

3. Central Civil Services (Leave) Rules, 1972

4. The Mizoram (Training on Basic Service Rules and Financial Rules) Regulations, 2019

Official Bills:-

1. The Mara Autonomous District Council (Village Councils) (Fifth Amendment) Bill, 2024.

2. The Mara Autonomous District Council (Animal Control and Taxation (Amendment) Bill, 2024.

3. The Mara Autonomous District Council (Market and Sale Taxes) Bill, 2024.

Atakô 2024 Monsoon Session liata unstarred question (ropa ta achhy awpa) sâ 7 nata starred question (pakah ta achhy awpa) 25 zy cha achhy khaipa a châ.

Puhpa N. Viakhu, Chairman chata MADC Monsoon Session, noh 2 chhôh hneipa cha atanoh dawh 3:20 PM kha ta daihti taihpa y leipa ta a pachhâsa.

MADC Winter Session 2024 he O lâ tawhta zawpi mo thei awpa ta NSV Local Channel nata NSV Youtube channel siepahliepa ta LIVE telecast pie papuapa châ ta, I P Department, MADC YouTube official channel liata Record chiehpa upload pa a châ.

ISSUED BY:

Information & Publicity Department

Mara Autonomous District Council

Siaha.