PRESS RELEASE

NO.190/2022

SIAHA, 23 Phiapi, 2022, Pakhynoh - Noh 3 chhôh ô awpa Mara Autonomous District Council, Winter Session 2022 cha atamy dawh 10:30 AM pa ta MADC Session Hall, MADC main Complex liata hnei pathaopa a châ.

He Session he Puhpa N. Viakhu, Chairman ta a chhihtha.

Session hnei awpa Khazohpa lâ pavaosana hnei awpa ta Chairman ta Puhpa N. Zakhai, Amôbyuh biatuhpa hrua ta, ano ta thlahchhâna daihti a hmâh.

Puhpa Tiahlei Syuhlo, MDC nata Puhpa M. Chiadung, MDC, Siata biatuhpa zy cha Chairman ta Panel of Chairpersons châta a rao ei.

Atahmâ session liata Unstarred Question sâ 8 nata Starred Question sy 35 y ta, noh 3 chhôh liata patlô awpa ta patohpatiapa a châ.

Atakô Winter Session liata Official Rules phaw (introduce) pa, mylâ liata pass a chhuahpazy:-

(i) The Mara Autonomous District Council (Salaries and Allowances of Chief Executive Member and Executive Members, etc.) (Fourth Amendment) Rules, 2022.

(ii) The Mara Autonomous District Council (Constitution, Conduct of Business, etc) (Sixth Amendment) Rules, 2022.

Laying of Village Council dissolution in respect of:-

(i) Riasika Village Council (ii) Lorrain Ville Village Council (iii) Tipa 'B' Village Council (iv) Khôpai Village Council.

MADC Winter Session 2022 he my dawh 10:30 Am – 4:00 Pm chhôh ta hnei awpa châ ta, dawh 1:00 Pm – 2:00 Pm he Recess daihti châta hmâpa châ ta, Local Cable TV Provider NSV siepahliepa ta Live ta mo thei awpa ta piepapuapa a châ.

A noh khana châta atanoh apalâ kawpa ta hnei patlôpa châ ta, mylâ târi 24 Phiapi, 2022, Pobiehnoh, dawh 10:30 AM liata hnei pazaopa a châ aw.

Tlâhleina, chhôhkha liata thina vâta nata rairuna hropa vâta Members – Puhpa M. Laikaw, MDC nata Puhpa H. Hrangchuanga, EM, MADC zy he atanoh Session liata ahlao thei leipazy ama châ.

ISSUED BY:

Information & Publicity Department

Mara Autonomous District Council

Siaha.