PRESS RELEASE
NO.55/2021
SIAHA, 30 Phiapi, 2021, Hriaheinoh - Noh 2 chhôh ô awpa Mara Autonomous District Council, Winter Session 2021 cha atamy dawh 10:30 AM pa ta MADC Session Hall, MADC main Complex liata hnei pathaopa a châ.
He Session he Puhpa H. Sahlô, Chairman ta a chhihtha.
Session hnei awpa Khazohpa lâ pavaosana hnei awpa ta Chairman ta Puhpa K. Pawhnie, Phura biatuhpa hrua ta, ano ta thlahchhâna daihti a hmâh.
Session pathao hlâta atliata liata chhâzaw râh lâ miah adi sai hapa Puhpa S. Zakhô (L), Ex-MDC nata Puhpa H. Hlâkhu (L), Ex-MDC zy taokheina châta ama thâtih chyupa Chairman Puhpa H. Sahlo ta reih ta, Puhpa N. Zakhai, Puhpa Nahlo Solo nata Puhpa V. Vanhupa zy chhao ta ama pasai leizie reipa ta, biereina chyupa daihti ama hmâh chyu hra.
Puhpa Pasa T. Azyu, MDC nata Puhpa Nahlo Solo, Siaha North-I (College Vaih-I) biatuhpa zy cha Chairman ta Panel Chairman châta a rao ei.
Atahmâ session liata Unstarred Question sâ 1 nata Starred Question sâ 18 y ta, noh 2 chhôh liata patlô awpa ta patohpatiapa a châ.
Atakô Winter Session liata Official Rules phaw (introduce) pa, mylâ liata pass a chhuahpazy:-
1. The Mara Autonomous District Council (Administration of Justice) Rules, 2021.
2. The Mara Autonomous District Council (Forest Service) Rules, 2021.
MADC Winter Session 2021 he my dawh 10:30 Am – 4:00 Pm chhôh ta hnei awpa châ ta, dawh 1:00 Pm – 2:00 Pm he Recess daihti châta hmâpa châ ta, Local Cable TV Provider NSV siepahliepa ta Live ta mo thei awpa ta piepapuapa a châ.
A noh khana châta atanoh apalâ kawpa ta hnei patlôpa châ ta, mylâ târi 1 Di, 2021, Pakhynoh, dawh 10:30 AM liata hnei pazaopa a châ aw.
Tlâhleina nata rairuna hropa vâta Members – Puhpa FC. Rehmo, Puhpa M. Laikaw, Puhpa Tiahlei Syuhlô, Puhpa H. Hrangchuanga, Puhpa HC. Lalmalsawma Zasai, Puhpa K. Chiama zy he atanoh Session liata ahlao thei leipazy ama châ.
ISSUED BY:
Information & Publicity Department
Mara Autonomous District Council
Siaha.
Attachment
