PRESS RELEASE

NO.57/2021

SIAHA, 1st Di, 2021, Pakhynoh – Puhpa H. Sahlo, Chairman chhihthana ry liata Mara Autonomous District Council (MADC) Winter Session 2021 hneipa cha atanoh târi 1st Di, 2021 he ta apalâ kawpa ta hnei patlôpa a châ.

Atahmâ Session liata Hiahrina, pakah ta a chhy byuhpa Starred Question sâ 18 y ta, châ ropa ta achhy byuhpa Unstarred Question sâ 1 a y.

Atakô Winter Session liata Official Rules sâ 2, ary liata palâsapazy he phaw (introduce) pa châ ta, a sâ 2 he ta pass pa a châ:-

1. The Mara Autonomous District Council (Administration of Justice) Rules, 2021.

2. The Mara Autonomous District Council (Forest Service) Rules, 2021.

He Session he, a khohpazy châta Session Hall Gallery tawhta - COVID-19 CAB & SOP zyna chô ta - mo theipa ta taopa châ ta, O lâ tawhta mo thei awpa ta NSV (Local Cable TV Provider) siepahliepa ta LIVE Telecast piepapuapa a châ hra.

Atakô Winter Session he zâlâ dawh 2:59 Pm pa ta Chairman Puhpa H. Sahlo ta a pachhâsa.

ISSUED BY:

Information & Publicity Department

Mara Autonomous District Council

Siaha.