PRESS RELEASE
NO.49/2021
MADC Taxes and Rent on Buildings Regulation, 2013 kyh Meeting hneipa a châ
SIAHA, 6 Phiata, 2021, Pakhynoh - Atanoh my dawh 11:30 AM kha ta The Mara Autonomous District Council (Taxes and Rent on Buildings) Regulation, 2013 kyh rei awpa ta Puhpa Pheiki Solo, Sr. Revenue & Settlement Officer ta CEM's Conference Hall, MADC Complex liata Meeting pahrua ta, MADC Land Revenue & Settlement Department tawhta Officer zy hleikhô ta NGOs nata Political Party zy tawhta President chyu ahlao awpa ta hruapa ama châna hawh ta President/vyuh tuapazy amâ hlao chyu.
He meeting he Puhpa Pheiki Solo ta chhihtha ta, Pihnô P. Chaki, President, MCHP Gen. HQ ta pavaosana thlahchhâna a hnei.
MADC “Taxes and Rent on Buildings Regulation” he kô 2013 liata Mizoram Governor tawhta approval ypa ta Mizoram Gazette liata papuapa vaw châ ha ta, MADC ta a hmâ mâh leipa vâta hmâ bâ awpa ta MADC Executive Committee ta paryhsa ha ta, he kyh liata NGOs & Political Party Leader zy asaohiahpa ta khodâh nata pachâdâh la awpa ta Land Revue & Settlement Department ta Meeting he awpa a châ.
He meeting he ta “Taxes and Rent on Buildings Regulation 2013” he hmâ awpa ta paryhsa ta, rate deikua Land Revenue & Settlement Department ta vaw mohpazipa ta thlai hmâ thei awpa ta ama vaw tao awpa ta pathlupa a châ.
He dâh ta a pahlypa cha - O a duahpa maih Tax pie byuh lymâ bâ awpa a châ. He he O hmo, sahdô etc. liata Tax pie tyhpa nahta alyu leipa ta, O aduah haipa zy tawhta a lai a chyh nata a su rei ta MADC Tax a la bâ awpa a châ. He he ta Concrete building zy hleikhô ta Assam type zydua a pahly aw.
He meeting he a kawh viapa ta aw awpa a châ no ta COVID-19 hriiah vâta sawhkhâ SOP zy byuh ta, chyhsa hluh via â aw thei leina kyh liata Puhpa Pheiki Solo, Chairman & Sr. R&S ta zawpi lâ pachâthaina ahaw ta, dâh thiehpa hmâ awpa a châ vâta zy achhuah chyu awpa ta zawpi lâ ahawna a tao hra.
He dâh hmâ thieh awpa liata apahlypa khih zy cha Siaha (MADC Headquarters) nata Tipa (Divisional Administratiion Office yna su) zy a châ.
ISSUED BY:-
Information & Publicity Department
Mara Autonomous District Council
Siaha
