PRESS RELEASE

NO. 106/2022

SIAHA, 2 Thlarâh, 2022, Chutynoh - Zâhnia zâlâ dawh 5:00 Pm liana kha ta Circuit House, New Siaha liata Siaha tawhta pasie hapa Puhpa C. Lalbiakzauva, DEO pathliena châta School Education Department, MADC ta pathliena programme chyupa ama tao.

Programme he Pihnô Nazee Khailah, Sr. EO ta chhihtha ta, Puhpa John VT. Hniehu, AEO ta Devotion a hmâh. 

Puhpa HC. Lalmalsawma Zasai, Dy. CEM i/c School Education Department, MADC ta pathliena bie reih ta, Siaha DEO nata MADC School Education Department zy hrialâh phapa châ lymâpa ta, he hawhta pasiepa a châpa he a i zie reih ta, anodeikua Joint Director lâ a kiasâh hapa deikua â lykhei zie reih ta, Siaha District liata a y chhôh ta Marasawzy châta rai phapa a hriapa cha reithai tlâh a châ zie teih ta, Aizawl tlâh liata â vaw tyu ti chhao ta Marasawzy châta byhnâ miah a châpa theina kao liata Paw miah châpa lymâ awpa ta ahawna tao ta, hmialâ a sie lymâ nawpa liata khokheina sâh chaipa a hlâ.

Puhpa C. Lalbiakzauva, Outgoing DEO chhao biereina hnei ta, Siaha District chyhsazy hnoh ta alynabie reih ta, Directorate of School Education, Aizawl liata â vaw tyu ti ta Mararâh châta phahnaina a hneina lia maih ta a theina a vaw papua lymâ aw tahpa reih ta, hmosai piepa nata zâpati achhuanoh tuhpa School Education Department, MADC hnoh ta alynabie a reih.

Puhpa T. Chatlua, Addl. DPC chhao biereina hnei ta, hrialâh phapa a châzie reih ta, hmialâ a sie lymâ nawpa liata khokheina bie a hlâ.

MADC School Education Department he ta Puhpa C. Lalbiakzauva, Outgoing DEO ama i zie nata ama pasai lei zie pamosana châta hmosaipiepazy hlâ ei ta, pathliena Dinner chhao ama taopa hra.

ISSUED BY:

Information & Publicity Department

Mara Autonomous District Council

Siaha.