PRESS RELEASE

NO.78/2024

SIAHA, 23 Thlarâh, 2024, Hriatuanoh – Atanoh dawh 2:00PM khata MADC NIELIT Study Centre, Siaha liata MADC NIELIT Study Centre CCC Batch - II Certificate raipapuana Programme â hmâhpa châ ta, Course on Computer Concepts (CCC) Batch - II liata Students 34 zy ta ama course patlôpa ta certificate ama dao.

Certificate raipapuana programme he Satlia Ryuhmo Chozah, Faculty, MADC NIELIT Study Centre ta a chhihtha.

Puhpa Colin C. Ngohai, ITO & Faculty chata, "Computer achu ta certificate la khai tawhta, practice pazao leipa ta nama y thlâh hapa a châ khiahta cha, nama pahno chiehpa nata thai chiehpa chhao nama my khai ha aw. Chavâta, namâ practice pazao lymâ awpa a byuh," tahpa ta Batch - II a patlô hapa students zy hnohta a reih.

Puhpa Pawsa Lava, AITO nata Puhpa J. Jeffrey Khara, MJA Vice President & Moonlight Editor zy ta pasyunabie pha kawpa reina ama hnei hra.

ISSUED BY:

Information & Publicity Department

Mara Autonomous District Council

Siaha.