PRESS RELEASE No.106/2020

MADC Monsoon Session noh 2 ô awpa atanoh pathao

SIAHA, 15 Khihpa, 2020 –Mara Autonomous District Council (MADC) Monsoon Session, noh 2 chhôh ôpa ta hnei awpa cha atamy dawh 10:30 Am liata Puhpa H. Sahlo, Chairman chhihthana ry liata hnei pathaopa a châ.

Daihti pathao hlâta Khazohpa lâ Session pavaosana hnei awpa ta Chairman ta a hruapa Puhpa K. Pawhnie, Deputy Chairman ta thlahchhâna a hnei.

Chairman ta Puhpa K. Chiama, Siaha West-I (Siaha Vaihpi) biatuhpa nata Puhpa HC. Biakcheuva, Siaha East-II (Siahatlâh) biatuhpazy cha Panel Chairman châta a rao ei.

Atahmâ liata Session he unstarred question sâ 1 nata Starred Question sâ 14 y ta, Private Resolution sâ 1 a y; atanoh liata Starred Question he sâ 7 hiahrina nata achhyna hneipa châ ta, private resolution sâ 1 angiapa he pass pâpa a châ.

Official Rules & Bills phawpazy:-

1. The Mara Autonomous District Council (Finance and Accounts) Rules, 2020

2. The Mara Autonomous District Council (Agriculture and Horticulture) Service Rules 2020

3. The Mara Autonomous District Council (Ministerial) Service Rules, 2020

4. The Mara Autonomous District Council (Revenue Assesment) Bill, 2020

He Rules & Bills he atanoh reipahmaohpa châ ta, mylâ pass achhuahpa a châ.

COVID-19 Pandemic daihti a châ vâta Mizoram sawhkhâ bie hawh ta member-zy hleikhô ta media nata official zy rei pâpa ta chyhsa 50 hlâ hluh via leipa ta, he Session he ahlaopa a châ.

Zawpi ta mo thei awpa deikua Local Channel NSV & HSV siepahliepa ta LIVE Telecast pie papuapa a châ.

Mylâ dawh 10:30 Am pa ta Monsoon Session 2020 he hnei pazao heihpa a châ aw.

Issued by:-

Information & Public Relations Department

Mara Autonomous District Council

Siaha.