PRESS RELEASE

NO.88/2025

SIAHA, Târi 25 Khihpa, 2025, Chutynoh – Atanoh liata noh thôh chhôh a ôpa Mara Autonomous District Council (MADC) Monsoon Session, 2025 cha anoh thôhna awpa ta atamy dawh 10:30 AM khata Puhpa,N.Viakhu,Chairman, MADC chhihthana ry liata MADC Session Hall liata atyupahmaohna hnei pazaopa a châ. 

MADC Monsoon Session, 2025 a noh khana(23/07/2025) noh liata Puhpa, N. Viakhu, Chairman ta Puhpa, Beihu Nohro, Deputy Chief Whip nata Puhpa, ST. Vanmalsawmliana, MDC zy cha Panel of Chairpersons châta a rao ei.

Atakô MADC Monsoon Session liata Starred Question (pakah ta achhy awpa) sâ 17 y ta, Unstarred question (ropa ta achhy awpa) sâ 2 a y. Session chhôhta Unstarred Question zy he ropa ta achhypa a châ. Starred question sâ 17 zy he Session atyupahmaohna daihti nohthôh chhôh liata hiahrina nata achhyna hnei khai theipa a châ.

Noh thôh chhôh, MADC Monsoon Session, 2025 liata Official Bills nata Official Rules phawpa, reipahmaohpa nata apyhpazy cha ary liata palâsapazy he a châ:-

Official Bills: -

1. The Mara Autonomous District Council (Non - Agricultural Land Settlement) (Third Amendment) Bill, 2025.

2. The Mara Autonomous District Council (Agricultural Land Settlement) (First Amendment) Bill, 2025.

Official Rules: -

1. The Mara Autonomous District Council (Education) Service Rules, 2025.

2. The Mara Autonomous District Council (Primary School Headmaster) Recruitment Rules, 2025.

3. The Mara Autonomous District Council (Primary Teacher) (Group B Non - Gazette Posts) Recruitment Rules, 2025.

4. The Mara Autonomous District Council (Hindi Wing) (Group A & B Non - Gazette) Recruitment Rules, 2025.

MADC Monsoon Session, 2025 a noh khana Puhpa, N. Viakhu, Chairman, MADC ta chhihtha ta, Chairman ta Biehrai, Ryhpachaneina 26:19 reina a hnei. Puhpa,M.Manasia, MDC ta Abeipa hnohta apavaosana thlah a chhâ. A noh nona myrâh liata Puhpa,C.Chehnei, Deputy Chairman ta Chhihtha ta, Puhpa,Beihu Nohro, Deputy Chief Whip ta thlâh a chhâ. Zâlâ liata Puhpa, N.Viakhu, Chairman ta a chhihtha. A noh thôhna he Puhpa, N.Viakhu, Chairman ta a chhihtha.

Noh thôh chhôh a ôpa MADC Monsoon Session,2025 cha atanoh zâlâ dawh 2:43PM khata Puhpa,N.Viakhu, Chairman, MADC ta daihti taihpa y leipa ta a pachhâsa.

ISSUED BY:

Information & Publicity Department,

Mara Autonomous District Council,

Siaha.