PRESS RELEASE

NO.86/2022

SIAHA, 26 Khihpa, 2022 – Mara Autonomous District Council (MADC) Monsoon Session 2022, noh 3 chhôh ôpa cha Puhpa N. Viakhu, Chairman chhihthana ry liata atanoh my dawh 10:30 Am pa ta MADC Session Hall liata pathaopa a châ.

Daihti pathao hlâta Chairman ta Khazohpa Biehrai Pathaihpa 2 Kawrini mozy 2:14-15 rei papuana hnei ta, pavaosana hnei awpata Puhpa H. Hrangchuanga, Siaha East-I (New Siaha) biatuhpa hrua ta, thlahchhâna a hnei. Chairman ta Puhpa MH. Tiabi, Chhaolo biatuhpa nata Puhpa T. Seido, Laki biatuhpazy Panel of Chairman a raopa a phuah.

Atahmâ Session he, 12th Term MADC â vaw thao tawhta a ei kha nawpa châ ta, unstarred question (ropa ta achhy awpa) sâ 2 nata starred question (pakah ta achhy awpa) 20 y ta, Official Bill sâ 1 - “The Mara Autonomous District Council (Money Landing) Bill, 2022” nata “Report of the Controller and Auditor General of India in respect of MADC for the year 2015-2016” zy atanoh liata phawpa châ ta, mylâ nahta hânoh liata reipahmaoh awpa nata pass achhuahpa a châ.

Atakô MADC Monsoon Session he o lâ tawhta zawpi mo thei awpa ta Local TV NSV & HSV siepahliepa ta LIVE telecast pie papuapa châ ta, I & P Department, MADC YouTube official channel liata Record chiehpa upload pa a châ.

Mylâ târi 27.7.2022 nata hânoh târi 28.7.2022, dawh 10:30 Am pa ta MADC Monsoon Session 2022 he hnei pazao heihpa a châ aw.

ISSUED BY:

Information & Publicity Department

Mara Autonomous District Council

Siaha.