PRESS RELEASE

NO.89/2022

SIAHA, 28 Khihpa, 2022 – Mara Autonomous District Council (MADC) Monsoon Session 2022, noh 3 chhôh ôpa cha Puhpa N. Viakhu, Chairman chhihthana ry liata atanoh my dawh 10:30 Am pa ta hnei pazaopa châ ta, apalâkawpa ta hnei patlôpa a châ.

Daihti pathao hlâta Chairman ta Biehrai Pathaihpa 1 Pity 2:9-10 rei papuana hnei ta,  Chairman ta a thlahchhâ awpa hruapa Puhpa T. Seido, Laki biatuhpa ta pavaona a hnei. 

Atanoh myrâh liata hiahrina nata achhyna daihti hmâpa châ ta, hiahrina sâ 6 achhypa a châ. 

Pala Tipo cha “Ramsar Site” ta phuahpa a châ vâta Chairman ta Puhpa HC. Biakcheuva, EM i/c Environment & Forests Department etc. report pie awpa ta daihti pie ta, Puhpa HC. Biakcheuva chata Puhpa Thaly T. Azyu, CF nata a hrialâhpazy tiamana nata hriapasana vâta kô 2003 liata Pala Wetland Management Plan (Record bu) ama taopa, MoEF(Central) lâ ama paphaopa châ kô 2005 liata hlaotlohna vaw ypa ta Pala Tipo cha kô 2005 pa ta India Wetland List liata pahlaopa a vaw châ. Kô 2019-2020 liata Sikkim nata Manipur liata Wetland Seminar cum Workshop hneina liata Ramsar Site ta phuah awpa ta Ministry lâ tlôkheipa châ heih ta, Ramsar Site Compiler Team Puhpa Thaly T. Azyu, CF, Puhpa B. Hleisa, ACF, Pihnô T. Sangi, UDC, Puhpa N. Zachhua, Staff, Pihnô B. Ngote, Computer Operator nata Forests Department ta Consutant hawhta a hmâpa Dr. Seikuti Nôhro zy hmahla pazi lymâna ta July 2022 liata Pala Tipo cha Ramsar Site ta phuahpa a vaw châ. He he Khazohpa ta Marasawzy miah cheihchalo khoh ta, Awnanopazy thlahchhâkheina a châ tahpa ta reih ta, Puhpa Thaly T. Azyu, CF he palyupalih tlâh a châ hmeiseih tahpa ta a reih hra.

(Ramsar he Iran râh liata khih miakha châ ta, kô 1971 liata “Ramsar Convention on Wetland of International Importance” tawhta, Ramsar site moh he a vaw puapa a châ. Ramsar site he Khizaw liata 2,437 y ta, India râ liata Pala Tipo chhao ta 54 y hai ta, North East India liata Deepor Beel-Assam, Rudrasagar Lake-Tripura, Loktak Lake-Manipur nata Pala Wetland-Mizoram chhao ta sâ 4 a y.)

Monsoon Session 2022 liata unstarred question (ropa ta achhy awpa) sâ 2 nata starred question (pakah ta achhy awpa) 20 achhy khaipa a châ

Official Bill sâ 1 - “The Mara Autonomous District Council (Money Landing) Bill, 2022” cha reipahmaohpa a châ khô lâ ta pachâ dâh â lyu leipa vâta paso chypa a châ.

Puhpa N. Viakhu, Chairman chata MADC Monsoon Session, noh 3 chhôh hneipa cha atanoh dawh 2:50 Pm kha ta daihti bitaihpa y leipa ta a pachhâsa.

Atakô MADC Monsoon Session he o lâ tawhta zawpi mo thei awpa ta Local TV NSV & HSV siepahliepa ta LIVE telecast pie papuapa châ ta, I & P Department, MADC YouTube official channel liata Record chiehpa upload pa a châ.

ISSUED BY:

Information & Publicity Department

Mara Autonomous District Council

Siaha.