SIAHA, 5 Thlazoh, 2024, Hriatuanoh – Atanoh dawh 2:00 PM kha ta MADC Law & Judicial Department ry liata officers nata staff zy ta Puhpa K. Vanlalliana, Executive Secretary alykheina nata ama Head of Department a châna Court President & Recorder (CP&R) parohpa pathliena nata athei thlâhna châta hmosai piepa ama pachhuapanohpa cha Executive Secretary official chamber liata hlâna ama hnei.

He daihti liata Pihnô S. Lalmuanpuii, CP&R thiehpa ta alykheina bie nata CP&R pathliena bie reih ta, hmialâ a sie lymâ nawpa liata hnatlâ hri-iah pathaihpa hneipa ta superannuation pension chhao apalâ kawpa ta a pua thei nawpa ta Department vyuhpa ta Puhpa K. Vanlalliana hnohta khokheina a hlâ. 

Department vyuhpa ta Pihnô HC. Melky, UDC ta hmosai piepa hlâna hnei ta, Puhpa H. Vabeikhai, Asst. Court Officer ta thlahchhâna a hnei.

Daihti chhâna liata Puhpa K. Vanlalliana, Executive Secretary ta alynabie reina daihti hmâh ta, Law & Judicial Department ry liata officers nata staff zy hnoh ta alynabie reih ta, hmialâ ama sie lymâ nawpa liata tiama kawpa ta hria pazao lymâ awpa ta khokheina a hlâ ei.