PRESS RELEASE

NO.21/2025

SIAHA, 14 Hmypi, 2025, Chutynoh - Atamy dawh 7:30 AM kha ta District Level Fire Prevention Committee, Siaha pachhuapanohpa Fire Prevention Week-2025 cha Forest Conference Hall, MADC Complex liata pahyna daihti hmâpa châ ta, Puhpa VL. Hruaizela Khiangte, DC Siaha cha khichhai laipa châpa ta daihti a hmâkhei ei.

Additional DC. Puhpa Abraham Beirazi Khithie ta he daihti he chhihtha ta, Rev. Z. Hrohmô, Assembly Secretary (Jr), ECM Assembly ta pavaosana hnei ta, ECM KTP Branch Siaha Vaihpi Hlapy zy ta daihti ziehpa pahyna hla ama sa.

Khichhai laipa Puhpa VL. Hruaizela Khiangte chata “Râhmâh kâpa ta chyhsa châta a peizie nata ziza hiahza a paraozie apahnotuhpa châ pi ta, râh akâ awpa vaina rai cha chyhsa to maophaohna a châ tahpa pahnopa ta maophaohna apatlôtuhpa châ chyu awpa ta bietana hnei ta, ziza pathaihpa eima hneipazy a pualei lei nawpa ta thapi phia chyu awpa a peimawh ta, meikâpa tawhta asohsi awpa he eima District, eima châta eima tao hialia awpa a châ tahpa pahno chanei chyu heih suh vy” tahpa ta bietana a reih.

Puhpa Jimmy N. Ramdina, Deputy Conservator of Forest, MADC chata report pie ta, zâhkô 2024 kha ta Siaha District chhôh liata râh kâpa pahnopazie cha 222.65 Hectares châ ta, râh apakâ tua chaipa khih cha Chakhei châ ei ta, râh apakâ hnôh chaipa khih cha Lôbô khi ama châ. Râh pakâ lei awpa ta avaina Awareness campaing hnei tyhpa cha khito liata siekhei lymâpa a châ tahpa reih ta, atakô Fire Prevention Week liata “Meikâ vaipa he eima tusawzy hmialâ daihti châ a châ” tahpa biepipa hmâpa a châ. Atakô he târi 28.02.2025 hlâta Sadôh rao khai awpa tahpa châ ta, târi 15.03.2025 hlâta Lyu rao khai awpa tahpa report a pie.

Puhpa Solomon N. Beihlotha, Asst. Gen. Secretary, MTP Gen. HQ chata meikâpa tawhta athiehpa ta asohsi awpa nata eima râh liata râh pakâpa he apachhaituhpa châ chyu awpa ta avypakhypazy bie a ta hra.

ISSUED BY:

Information & Publicity Department

Mara Autonomous District Council

Siaha.