PRESS RELEASE

NO.23/2024

SIAHA, 29 HMYPI, 2024, Pohbienoh – Department of Personnel & Administration Reforms, MADC Notification No. A.12023/3/2022/DP&AR of the 28th February, 2024 bie hawhta atanoh dawh 3:00 PM pata Executive Secretary chhôhpadâh (chamber), MADC, Siaha liata Puhpa K. Vanlalliana cha Executive Secretary (ES), Mara Autonomous District Council (MADC) rai hria awpa ta ES a châ ngâhaipa Puhpa K. Chhihrau tawhta charge a la.

Puhpa K. Chhihrau chata, alynabie reina hnei ta, ES thiehpa Puhpa K. Vanlalliana hnohta hmialâ a sie lymâ nawpa liata khokheina sâh chaipa   hlâ ta, ES rai he Marasawzy châ ta byhnâ châna peimawh kawpa rai châ ta, Mongyuh bieso ta "Cooperation is better than competition" a tahpa hawhta hriaparaohna phapa hnei a peimawhzie reih ta, tiama kawpa nata phahnai ngiah kawpa ta hria awpa ta ES thiehpa a pasyu.

ES thiehpa Puhpa K. Vanlalliana chata, biereina chyupa hnei ta, a theina hawhta MADC châ nata Mararâh châta hria awpa â chhuahzie, a reih.

He charge ahlâna liata MADC ry liata Officers nata Heads of Department (HoD) thokhazy chhao ahlaopa ta ES thiehpa Puhpa K. Vanlalliana hnohta khokheina ama hlâ chyu hra.

ISSUED BY:

Information & Publicity Department

Mara Autonomous District Council

Siaha.