PRESS RELEASE

NO.56/2021

SIAHA, 30 Phiapi, 2021, Hriaheinoh – Department of Personnel & Administration Reforms, MADC Notification No. A.12023/1/2019-DP & AR of 29th November, 2021 bie hawhta atanoh dawh 2:00 PM liata Puhpa K. Chhihrau cha Executive Secretary (ES) rai hria awpa ta ES a châ ngâhaipa Puhpa Pachi Hlychho tawhta charge a la.

Puhpa Pachi Hlychho chata ES thiehpa Puhpa K. Chhihrau hnoh ta hmialâ a sie lymâ nawpa liata khokheina sâh chaipa  hlâ ta, ES rai he Marasawzy châ ta byhnâ châna peimawh kawpa rai châ ta, ES post he molai chaipa tawhta mochyh chaipa taihta amâ daohpa post a châ vâta daothei kawpa ta office liata atyuh awpa byuh ta, apiepasaina nata palôhpasinazy peimawh ta, tiama kawpa nata phahnai ngiah kawpa ta hria awpa ta a pasyu.

ES thiehpa Puhpa K. Chhihrau chata biereina chyupa hnei ta, a theina hawhta MADC châ nata Mararâh châta hria awpa â chhuah tahpa a reih.

He charge ahlâna liata Puhpa M. Baithai, President, MJA Siaha District nata a hrialâhpazy a hlao ei ta, MADC ry liata HoD thokhazy chhao ahlaopa ta ES thiehpa Puhpa K. Chhihrau hnoh ta khokheina ama hlâ chyu hra.

ISSUED BY:

Information & Publicity Department

Mara Autonomous District Council

Siaha.