PRESS RELEASE

NO.08/2023

SIAHA, 17 Nawh, 2023, Hriaheinoh - Atanoh my dawh 10:30 Am kha ta MADC Session Hall liata Puhpa N. Viakhu, Chairman chhihthana ry liata MADC Deputy Chairman atlyna hneipa a châ.

Chairman ta Khazohpa Biehrai Pathaihpa Rawma Mozy 12:2 reipapuana hnei ta, he khai tawhta ano ta a raopa Puhpa L. Prisila ta Khazohpa lâ pavaosana thlahchhâna a hnei.

He khai tawhta Secret Ballot ta Deputy Chairman atlyna hneipa châta, Candidate pa 2 Puhpa C. Chehnei nata Puhpa ST. Vanmalsawmliana zy liata Puhpa C. Chehnei ta vote 15 hmô ta, Puhpa ST. Vanmalsawmliana ta vote 7 hmô ta; member 22 zy ta vote ama hnei. 12th Term MADC Deputy Chairman châta Puhpa C. Chehnei cha atlypa patlohpa a châ tahpa Puhpa N. Viakhu, Chairman ta a phuah.

Chairman ta Deputy Chairman atlypatloh thiehpa Puhpa C. Chehnei biereina hnei awpa ta daihti pie ta, Puhpa C. Chehnei chata atlypatloh tuhpa member zy hnoh ta alynabie reih ta, House he Khazohpa khozie hawhta a sie thei nawpa ta member zy ahaw ta, Deputy Chairman rai hriana kyh liata deichhy chyu awpa ta member-zy hnohta ahawna a tao.

Puhpa H. Malvina, Leader, INC Legislature Party nata Puhpa HC. Lalmalsawma Zasai, Asst. Leader, MNF Legislature Party zy ta alykheina bie pha kawpa reih ei ta, Puhpa M. Laikaw, House Leader ta biereina nata alykheina biereina a hnei hra.

Atanoh Session liata member pa 2 - Puhpa Nahlô Solo nata Puhpa H. Hrangchuanga zy cha mopakha peimawhna vâta Chairman pasaina hawhta a hlao leipazy ama châ.

Deputy Chairman atlyna atyupahmaohna he Puhpa N. Viakhu, Chairman chata dawh 11:08 Am pa ta daihti bitaihpa y leipa ta a pachhâsa.

ISSUED BY:

Information & Publicity Department

Mara Autonomous District Council

Siaha.