PRESS RELEASE

NO.31/2025

SIAHA, 27 Pamih, 2025, Pobienoh – Noh palih (4) chhôh ôpa Mara Autonomous District Council (MADC), Budget Session 2025-2026 cha atamy dawh 10:30 AM pa ta MADC Session Hall liata a chhâ nawpa noh châta hneipa a châ.

Myrâh atyupahmaohna liata Starred questions sâ 5 hiahrina nata achhyna hneipa châ ta, zâlâ lia he ta MADC Budget Estimate 2025-2026 reipahmaohna hneipa a châ.

Zâlâ atyupahmaohna lia heta atakô 2025-2026 châta MADC Budget Estimate Rs.23,275.49 Lakhs cha member zy ta lôraoh kawpa ta pass pa a châ.

Azâkô 2024-2025 Budget Estimate hlâta atakô 2025-2026 Budget Estimate apôhpa zydua cha Rs.1,539.28 Lakhs a châ. 

MADC Budget Session 2025-2026 he Puhpa N. Viakhu, Chairman ta atanoh dawh 4:03 PM liata daihti bitaihpa y leipa ta a pachhâsa.

MADC Budget Session 2025-2026 liata unstarred questions (ropa ta achhy awpa) sâ 3 nata starred questions (pakah ta achhy awpa) 22 y ta, business hours chhôh liata a zydua ta hiahrina nata achhyna hnei khai theipa a châ.

ISSUED BY:-

Information & Publicity Department

Mara Autonomous District Council

Siaha.