PRESS RELEASE

NO.63/2023

SIAHA, 23 Pamih, 2023, Pobienoh – Noh 4 chhôh ôpa Mara Autonomous District Council (MADC), Budget Session 2023 cha atamy dawh 10:30 Am pa ta MADC Session Hall liata a chhâ nawpa noh châta hneipa a châ.

Myrâh liata Starred question sâ 8 hiahrina nata achhyna hneipa châ ta, zâlâ lia he ta MADC Budget Estimate 2023-2024 reipahmaohna hneipa a châ.

Zâlâ liata kô 2023-2024 châta MADC Budget Estimate Rs. 17,973.48 Lakhs cha member zy ta lôraoh kawpa ta pass pa a châ.

MADC Budget Session 2022 he Puhpa N. Viakhu, Chairman ta atanoh dawh 3:30 Pm liata daihti bitaihpa y leipa ta a pachhâsa.

Atakô MADC Budget Session liata unstarred question (ropa ta achhy awpa) sâ 9 nata starred question (pakah ta achhy awpa) 33 y ta, business hours chhôh liata a zydua ta hiahrina nata achhyna hnei khai theipa a châ.

Atahmâ Session liata Bill a vaw ngiapa Mara Autonomous District Council (Village Council) (Fourth Amendment) Bill, 2023 cha pass pa a châ hra.

ISSUED BY:-

Information & Publicity Department

Mara Autonomous District Council

Siaha.