SIAHA, 28 Pamih, 2019 --- Atamy dawh 10:30 Am liata MADC Budget Session 2019 cha Puhpa H. Sahlo, Chairman chhihthana ry liata pathaopa a châ. Business rei pathao hlâta Chairman ta Puhpa K. Pawhnie, Deputy Chairman, Phurâ biatuhpa thlahchhâna hnei awpa ta hrua ta, ano ta Session Khazohpa lâ pavaosana thlahchhâna a hnei. Chairman ta Pannel of Chairman châta Puhpa T. Seido, Laki buatuhpa MDC nata Puhpa K. Chiama, Siaha Vaihpi biatuhpa zy a rao ei.
Puhpa Ng. Silla, College Vaih – I biatuhpa, Puhpa KL. Bana. Tôkalô biatuhpa, Puhpa Tiahlei Syuhlô, Tisi biatuhpa nata Pihnô A. Merry, Nominated MDC zy cha atanoh Session liata ahlao thei leipa ama châ.
He Session he noh 3 chhôh ô awpa châ ta, târi 28, 29 Pamih nata târi 1 Pachawh nohzy liata hneipa a châ aw. My dawh 10:30 Am tawhta 4:00 Pm taihta hnei tyhpa châ aw ta, dawh 1:00 Pm - 2:00 Pm likawh deikua apahâ daihti châta hmâ awpa a châ.
Atahmâ Session liata Starred Question 32 y ta, Unstarred Question 7 a y hra.
Bills & Rules introduce awpa nata pass angiahpazy:-
1. The MADC (inheritance of property) (Amendmend) Bill, 2019
2. The MADC(Trading) (Amendment) Bill, 2019
3. The MADC (BSE) (Amendment) Rules, 2018
He nahzy hleikhô Private Resolution sâ 1 angiakheipa a châ hra.
MADC Budget Session 2019 he NSV Local Cable TV siepahliepa ta mo thei awpa ta LIVE ta pachhuahpanohpa a châ hra.
(Written by: BeiRôkhu Beitâ, I & PO, MADC).
