Puhpa J. Vabeikiasa, Hon’ble EM i/c Agri. etc. MADC nata a hrialâhpa Officers nata Staff nahzy hmahla lymâna zawhzi ta Mararâh liata leipalie nata lyu a hneipazy châta leipaliena chhaichhi New Holland Tractor sâ 2 (4WD & 2WD) zy Siaha a kaw tlô haw heih bâ.

Zâhkô kha ta MADC Agri. Department he ta Power tiller sâ 17 nata Backhoe Loader sâ 1 (CASE Company taopa) chalei hapa a châ hra.

He chhaichhizy he eima râh châta a peimawhpa a châpa ta pahnopa châpa vâta chaleipa châ ta, atahmâ he, a zydua heta CEM’s Bungalow tlyhmia liata paso khai chypa a châ. 

Mararâh liata leipalie nata lyu hneipazy ta ama phahnaikhei cheingei nahta hnabeiseihpa châ ta, atakô tawhta hmâh pazi thei awpa a châ ha bâ tahpa official-zy ta ama reih.