PRESS RELEASE 

NO.68/2026

Siaha, târi 19th Thlazoh, 2026 (Pakhynoh) - Atanoh dawh 1:00 PM liata khata Puhpa M. Laikaw, Hon'ble CEM, MADC ta Mara Autonomous District Council Achievement Report(2024 - 2025) Bu  cha CEM Official Chamber liata a palâhâh(release).

Programme he Pihnô K. Dinai, Planning & Development Officer, MADC ta a chhihtha. MADC liata Departments zy kô 2024 - kô 2025, financial year chhôhta ama department ta achievement ama hneipazy cha Planning & Prog.Implementation Department, MADC ta a Bu ta a taopa cha atanoh liata palâhâhpa a châ.

Achievement Bu palâhâhna hneipa ta CEM chata, "Vice Chairman Planning hmahlana nata Planning Department hriapasana zawhzi ta MADC liata Departments zy ama achievement zawpi pahno thei awpa ta palâhâh theipa a vaw châpa he ei ly hmeiseih. Eima pahno chyupa hawhta development châta sôh chyhta Rs,241 Lakhs (2024 -2025)eima hneipa he Executive ta pachâ ta, austerity measures lapa ta kheihta ma development -minor works châta eimâ hmâh phahnai thei aw tahpa he a pachâ.

Khôtholâ tawhta MADC he khâma ama hria miah tah tyh ei ta, eima hriapa nata achievement zy reih ngâthlâh awpa he pha chaipa châ hleilei ta. Development châta sôh chyhta eima hneipa nata one time grant liata sôh chyhta eima sopa hmâpa ta departments zy ta rai vaw hria hnolo ei ta, atanoh lia cha eima hriapa, achievement eima hneipazy zawpi hmô thei awpa ta a bu ta papua theipa a vaw châ ha."

Kô 2024 tawhna khata Quarterly ta achievement report review meeting cha power point presentation hmâpa ta hnei tyhpa châta, 2024 - 2025   achievement bu cha atanoh palâhâhpa vaw châ ta, 2025 - 2026 chhao atâhmâ he a bu ta papua thei awpa ta pachhuahpanoh ngâpa a châ hra.

"Departments zy hnohta ei haw khohpa cha, he heta department to liata azaohna pathaipa papua sala, sôh chyhta eima hneipazy he hmâ phahnai eimâ chhuah chyu awpa a châ..Râh zawpi chhaota eima raihriana he miah ama pahnokhei hra awpa ta ei khoh kaw." tahpa ta Puhpa M. Laikaw, CEM, MADC ta a rei.

He châbu palâhâhna lia heta MJA District Hqrs.,Siaha tawhta Puhpa CZ. Hluna, President, Puhpa J Jeffrey Khara, Vice President, Puhpa V. Pawhla, Treasurer nata St, Ngoko Chozah, DD Stringer zy amâ hlao hra.

ISSUED BY:

Information & Publicity Department,

Mara Autonomous District Council,

Siaha.