PRESS RELEASE

NO.56/2022

SIAHA, 14 Chhiepa 2022, Hriaheihnoh: Atanoh dawh 12:00 noon khata CEM Conference Hall, MADC liata 12th term Elected Office Holders nata All head of departments, MADC zy joint meeting hneipa a châ. He joint meeting he 12th term liata a eikha hneina a châ. He meeting he Puhpa H. Malvina, Chief Executive Member ta a chhihtha.

He meeting he palôh ahmô kawpa ta Elected office holders nah nata Head of departments ta MADC duahmozy nata MADC hmahsie n'awpa zy ama reih khoh.

Puhpa H. Malvina, Chief Executive Member ta MADC he Marasaw châta â duahpa, Mara sawzy eih châ ta, hmo taotheipa  nata  biehneipa rei sai ta sie leipa ta, Marapasaw nata Marapa râh liata pahrâpazy châta nata Hâra sipasapazy nata Nôhmeipazy atlôhna Opi a châ thei n'awpa ta MADC liata hriatuhpa zydua ta palôh hnei sih la, a pha ngâsâ aw a tah.

He meeting lia heta Chairman, Dy. Chairman, EMs nahzy ta MADC sie dâh n'awpazy reih ei ta, Head of departments nahzy chhaota MADC  a kaw laiseih thei n'awpa nata hmah a sie thei n'awpa liata pachâna ama reih chyu hra.

Tanoh meeting liata reihpahmaohna liata ama reipa tlâhpipazy:

1). Office Administration strict viapa ta siekhei ta, punctuality maintain via theipa châ sala.

2). Department chyu liata Development work ama hria thei n'awpa ta thapiphiapa ta hmahla chyupa châ sala.

3). State sawhkhâ nata Parallel Development eima hluh tupa heta rairuna hlupi miah tlôkhei. District Council yzie hnei via ta siekhei khohna.

4). MADC ta revenue sôh a hluh via a hmô thei n'awpa ta patuapaluana reih.

He hleikhô ta MADC hmahsie n'awpa reih khohnazy hneipa a châ.

ISSUED BY:

Information & Publicity Department

Mara Autonomous District Council

Siaha.