PRESS RELEASE

NO.14/2023

SIAHA, 24 Nawh, 2023, Hriaheinoh - Atanoh dawh 1:00 Pm pa ta MADC CEM’s official chamber liata atakô 2023 Lyuva Khutla, Mara Cha-ypi ahmâ nawpa kyh saichhieliena cha Puhpa M. Laikaw, Hon’ble CEM, MADC chhihthana ry liata hneipa a châ.

Daihti pathaona liata Chairman ta Pihnô P. Chaki, President, MCHP General Headquarters pavaosana hnei awpa ta a hruapa ta thlahchhâna daihti hmâh ta, he khai tawhta ahmâ nawpa liata peimawhpa agenda-zy reipahmaohpa a châ.

Atakô Lyuva Khutla 2023 he târi 17.3.2023 pa ta ahmâ awpa a châ tarawpa ta ECM Assembly hnei daihti nahta â lyu hapa vâta târi 9.3.2023 lâta pasie awpa ta he meeting he ta pathlu ta, Azipa châta Puhpa M. Laikaw, Hon’ble CEM raopa châ ta, Devotion ahmâh awpa ta Rev. T. Salaw, Moderator, ECM Assembly raopa a châ. Lyuva Khutla 2023 ahmâ nawpa su châta Siaha Tlyliah, Siaha Vaihpi su liatahpa raopa a châ.

Cultural item chi nano nanopazy pamosapa châ aw ta, Khydi nata Chhivaw atlyna y aw ta, Costume Parade nata Mara Cultural Dress Show nawpa ta nata akhohpazy ta chalei thei awpa ta daoh taopa châ aw ta, Mara Fashion show chhao hneipa a châ aw. He liata Marasaw hlasathaipazy ta hlasana ama hnei aw. Pahyna hla (opening song) sa awpa ta MTP Branch: New Siaha raopa a châ.

He meeting liata Lyuva Khutla Organising Board member châta raopazy hleikhô ta NGOs Gen, HQ tawhta MTP, MCHP, MSO zy hleikhô ta MWC, MVAPS nata MJA Siaha tawhta vyuhtuapazy amâ hlao. 

Atanoh meeting Chairman Puhpa M. Laikaw, Hon’ble CEM chata atanoh liata meeting a vaw hlaopazy hnohta palôh hmeiseihpa ta alynabie reih ta, Lyuva Khutla 2023 ahmâ nawpa programme he aheihpa meeting liata mopazipa ta abyuna hawhta final awpa a châ tahpa pahnosana tao ta, he khai tawhta Bei thlahchhâna reiparaohpa ta meeting pachhâsapa a châ.

ISSUED BY:

Information & Publicity Department

Mara Autonomous District Council

Siaha.