PRESS RELEASE

NO.58/2023

SIAHA, 14 Pamih, 2023, Hriaheinoh – Atamy dawh 11:00 Am pa ta MTP Branch: Laty nata MSO Branch: Laty zy ta ama biatuhpa MDC Puhpa Beirahmo Syhly, EM i/c Social Welfare etc. cha a official chamber, MADC Main Complex liata alykheina daihti chyupa ama hmâh.

Alykheina Pragramme chyupa taopa liata Puhpa L. Sopatharona, GS (MTP) ta chhihtha ta, Puhp Vaibeikhaihmo Solo, SCO cha pavaosana hnei awpa ta ahawpa a châna hawhta Obadia 1:4 reipapuana nata reipakawhna hnei ta, pasyuna bie a reih pâ hra.

MTP vyuhpa ta HC. Thysia, Presdient ta alykheina Muffler nata Ryuchâ hlâ ta, MSO vyuhpa ta L. Beichakao, President ta Ryuchâ a hlâ. 

MTP vyuhpa ta Z. Beihneipatha, Vice President ta alykheina nata khokheina biereina hnei ta, MSO vyuhpa ta L. Beichakao, President ta alykheina bie nata khokheina bie a reih hra. 

Daihti chhâna liata Puhpa HC. Thysia, President (MTP) ta EM zachhihpa hnoh ta nata ano avaw chakaochahlâ tuhpa HoDs zy hnoh ta alynabie a reih.

Puhpa Beirahmo Syhly, EM chata alynabie reina daihti hmâh ta, MTP nata MSO nôpawpazy pasyuna nata khokheina bie a daopazy hawhta Khazohpa liata apahniehna chô ta tao lymâ âchhuah tah ta, he hawhta alykhei thei awpa ta MDC term 3 tlai tloh thei awpa ta a ngiachhiena khokheituhpa Khazohpa nata ano a deichhytuhpa bia zawpizy hnoh ta alynabie reih ta, atanoh liata khokheina nata palyupalihna ahlâ tuhpa Laty MTP nata MSO zy hnohta palôh hmaiseihpa ta alynabie a reih.

EM zachhihpa chata MTP nata MSO zy nahta hriaparaoh lymâ awpa apeimawhzie reih ta, ti nata râh hmahsie nawpa liata thyutliapazy ama peimawh hmeiseih tah ta, hrialâh phapa châ lymâ awpa ta thyutliapazy hnoh ta pahruana nata ahawna chhao tao ta; a tao chheina nata siechheina liata charoh vaihtuhpa nata advise tuhpa châ lymâ awpa ta ahawna a tao. 

Laty bia liata râh leilô phapa zy cha hmâh phahnai awpa ta Tlyutliazy eima peimawh kaw tah tah, ti nata râh taopathina liata thyutliapazy ama peimawh tahpa ta atanoh liata MTP nata MSO manôh avaw lykheituhpa zydua hnoh ta pasyuna nata khokheinabie reih ta, Laty MTP nata MSO zy hmialâ ama sie lymâ nawpa liata khokheina bie a hlâ ei.

Puhpa Beirahmo Syhly, EM zachhihpa ta Puhpa Vabeikhaihmo Solo, SCO, Puhpa TT. Kholaw, RTO, Pihnô N. Elizabeth, RDO nata Puhpa Beirôkhu Beitâ, I & PO zy ta ama chakaochahlâ.

ISSUED BY:

Information & Publicity Department

Mara Autonomous District Council

Siaha.