PRESS RELEASE

No.46/2021

Laki Welfare Committee ta Puhpa T. Seido, Dy. Chief Whip thiehpa alykhei

SIAHA, 3 Thlarâh, 2021, Chutynoh - Atanoh dawh 1:00 PM liata Laki Welfare Committee, Siaha leader zy ta sawhkhâ SOP zyna chôta MADC liata Dy. Chief Whip raothiehpa Puhpa T. Seido, Laki biatuhpa alykheina ama hnei.

He alykheina he Puhpa HC. Tlasia, Chairman, Laki Welfare Committee ta chhihtha ta, Puhpa HC. Sihra, Adviser ta alykheina bie nata khokheina biereina chyupa hnei ta, Puhpa K. Hrokhu, Finance Secretary ta Laki Welfare Committee, Siaha tawhta alykheina châta hmosai piepa hlâna nata Abeipa lâ alynabie reina thlahchhâna a hnei.

Puhpa T. Seido ta biereina chyupa hnei ta, Laki Welfare Committee, Siaha nôpawpazy chô liata âlyzie reih ta, atanoh liata office chamber liata amâ vy theipa dei châ leipa ta hmosai piepazy zy taihta amâ vaw cheipa cha arônah a tahzie reih ta, Laki Welfare Committee, Siaha lâ ta alynabie a reih.

Laki zawpizy saiheina nata khokheina zawhzi ta 11^th Term MADC liata MDC ta atly patlohpa vaw châ ta, atanoh liata Ryureina dyuchhai asâh kawpa liata â vaw tyu theipa he Khazohpa ngiachhiena nata Laki bia zawpizy deichhyna vâ deita a châ tah ta, Khazohpa khozie hawhta ti nata râh châta tiama papua via lymâ awpa â chhuah zie a reih.

Laki Welfare Committee, Siaha he atahmâno duahmo liata Odyh 47 châ hai ei ta, Laki Welfare Committee, Siaha nôpawpazy chata Laki biatuhpa Puhpa T. Seido, Dy. Chief Whip nahta hrialâh phapa châ lymâ awpa amâ chhuah tahpa ama reih.

ISSUED BY:-

Information & Publicity Department

Mara Autonomous District Council

Siaha.