SIAHA, 9 Nawh, 2024, Hriaheinoh – Atanoh my dawh 11:00 Am kha ta Local Administration Department (LAD) nata Public Health Engineering (PHE) Department, MADC zy ta LAD Office liata Abeipa lâta alynabie reina nata ahlâpathiehna programme ahmâpa a châ.

Programme he Puhpa Joshua Chozah, US, LAD ta chhihtha ta,  Puhpa S. Chozah, EE ,PHED, MADC ta devotion daihti a hmâh. 

Puhpa K. Chhuabei, Hon’ble EM i/c LAD etc. ta pasyuna biereina hnei ta, Officers, Staff nata Field workers zy hriaparaohna pha kawpa nata tiamana zy vâta alynabie reih ta, 2024 lia chhao tiama papua via heih tah, ngâchhihna nata adona chô ta riahpha kawpa ta hria lymâ abyunazie zy reipa ta pasyuna bie pha kawpa a reih.

Pihnô S. Lalmuanpuii, Sr. LAO chhao biereina hnei ta, officers nata staff zy tiamana nata hriapasana zy, hriaparaona phapa ama hneizie zy nata HoD ama backup-na ky zydua liata alyna biereina hnei ta, eima hmialâ hria awpa hluhpi hnei pi ta, he lia chhao ta tiamana, ngâchhihna nata adona hneina chô ta tiama papua via awpa ta pasyuna bie a reih.

He khai tawhta kô 2023 liata Sanitation workers tiama patluapazy palyu-palihna nata lymâ raina  hneipa châ ta, Puhpa Henry PL. Hnaihly, S.O ta chhihtha ta, Puhpa Chhuabei, Hon’ble EM ta lymâ raina he a hnei.

Programme chhâna liata zawpi ta ahlâ-pathiena thlahchhâna hneipa châ ta, he khai tawhta programme ahmâna daihti he pachhâsapa a châ.