PRESS RELEASE

NO.62/2021

SIAHA, 21 Di, 2021, Hriaheinoh - Atanoh dawh 1:00 PM pa ta MADC Complex tlyhmia liata kô 2021 châta MADC Office khawna nata kô chhâna tlôtheipa vâta Khazohpa lâ alynabie reina thlahchhâna Programme hmâpa a châ.

Puhpa K. Vanlalliana, CP & R, MADC ta programme he chhihtha ta, Rev. C. Beima, ECM New Colony biatuhpa ta Joshua 24:16-18 tawhta Khazohpa bie reina nata reipakawhna hneipa ta Devotion a hmâh. 

Biereina hnei awpa ta raopa Puhpa H. Sahlo, Chairman, MADC ta atanoh liata biereina hnei awpa ta a rao tuhpa MADC nôpawpazy hnoh ta alynabie reih ta, hriiah nata rairuna nano nanopa hry ta kô thaona tawhta kô chhâna lâ miah tlôkhei tuhpa Khazohpa hnoh ta alybie reih ta, Chhôhkha nata râh zy chakao thei awpa ta tlâhna byhnâ miah pie tuhpa Khazohpa lâ alynabie a reih.

Puhpa H. Sahlo, Chairman ta MADC ry liata Officer nata Staff zy Christmas anaohna nata kôthiehpa khokheina a hlâ.

Daihti chhâna lâ liata Alynabie reina, molei reihpha cheina, ahlâpathiehna, 2021 Christmas & 2022 Kôthiehpa apha kawpa ta hmâ thei nawpa nata kôthiehpa liata âki kawpa ta office liata eimâ hmô thei heih chyu nawpa ta Zawpi ta Khazohpa lâ kudao/hiana thlahchhâna hneipa châ ta, he khai tawhta Bei thlahchhâna ta programme khawpa a châ.

Puhpa MH. Tiabi, EM i/c LAD ta biereina chyupa hnei ta, eima Missionary Rev. RA. Lorrain Khazoh bie tlâh-awh khei tuapa chaipa ARISE & SHINE (Thyu la, khaih teh) tahpa he MADC ry liata hriatuhpazy châta motto thiehpa châ sala tahpa MADC nôpawzy ta ama kho zie a reih.

MADC Office he atanoh târi 21.12.2021 tawhta khawpa châ aw ta, târi 05.01.2022 liata pahy heihpa a châ aw. Rai peimawh viapa a hneipazy deikua abyuhna hawhta office kia awpa ta Puhpa K. Chhihrau, Executive Secretary, MADC tawhta pahnosana taopa a châ.

ISSUED BY:

Information & Publicity Department

Mara Autonomous District Council

Siaha.