PRESS RELEASE

NO.58/2021

SIAHA, 2 Di, 2021, Pobienoh – Atanoh dawh 2:50 PM liata Dr. Hari Babu Kambhampati, Honb’le Governor of Mizoram ta Amôbyuh Vaithieh liata Government Middle School a tly.

Siaha tawhta Puhpa N. Zakhai, Hon’ble CEM, MADC, Puhpa Kesavan R. IAS, DC, Siaha, Smt. Apoorva Gupta, IPS, SP, Siaha zy hleikhô ta, Siaha DC office tawhta officials nata MADC official zy ama za zi hra.

Governor zachhihpa ta School a vaw tlypa liata MADC ta School tlyhmia liata Reception pachhuahpanohpa cha Ls. Anita Ngodingia ta pahnie kawpa ta host ta, Puhpa N. Zakhai, Honb’le CEM ta Welcome Address reina hnei ta, MTP Branch: Amôbyuh ‘B’ zy ta Sawlâkia thai kawpa ta pamosa ei ta, daihti chhâna lâ liata Puhpa HC. Chhatha, VCP, Amôbyuh Vaithieh ta Vote of Thanks reina a hnei. He khai tawhta Governor zachhihpa ta School classroom zy a tly.

Ary liata palâsapa he atanoh liata Hon’ble Governor biereipazy a châ:-

MADC liata CEM nata a hrialâhpazy, Siaha DC, Siaha SP, DC office tawhta nâ zâ zipazy nata MADC officials zy, he liata avypakhypa manôh zydua nata Teachers nata Student zy, Mizoram Governor ei vaw châ tawhta atanoh liata he hawhta Siaha District ei kha ei kaw tlyna daihti liata nama School tly thei awpa rypaohna ei hnei vâta ei ly ngaita.

Ei vaw tly awpa daihti lia he ta Education System pahno awpa nata Student zy kheihta ma pachuna ama dao tahpa pahno khoh na ta, School O zy nata pachuna siekheina dâh zy pahno awpa ei khoh vâta School he tly awpa ei tahpa a châ.

Atahmâ he chhôh to ta eima pachâpeimawhpa sâ 2 y ta, cha nahzy cha Hawtizy achuna nata chhôkha hnatlâ hri-iah pathaihna zy he a châ.

Chhôhto ta eima sawnahzy achuna phapa ama hnei awpa khoh pi ta, achuna ama patlô tawhta rai phapa nata hmialâ daihti phapa ama hnei awpa eima khokhei chyu. Nôpaw thokha cha ama sawnah Doctor, Engineers, Officers nata Scientists zy ama vaw châ awpa khoh pi ta, nôpaw thokha chhochhi cha ama sawnah achuna pha viapa ama hnei awpa ama khokhei vâta râh hro foreign lâzy ama pasiesa tyh.

Sawnahzy châta School phapa, College phapa nata University pha ngâsapazy he nôpaw to khopa a châ. Ama sawnah achuna awpa a châ tlôh khiata cha ama hneina zydua chhao amâ vaw pasaih tyhpa a châ.  Chahawh pyly ta, chhôhkha liata ahyzy tly ma ama vaw tlâ lei nahta thohna su pha viapa ama khoh lymâ; amohôh nawpa ta sôh khazie rai a hryuhpa chhao ta ama khohpa cha tlâh-na he a châ.

Chavâta chhôhto hnoh ta achuna phapa nata hriiah pathaihna phapa eima hnei chyu thei nawpa ta Achuna phapa nata Medical Facility phapa he sawhkhâ ta hnei â chhuah chaipa nata a khoh chaipa a châ. A tliata liata India râh Prime Minister Narendra Modi zachhihpa ta New Education Policy vaw padua ta, cha Education policy thiehpa liata cha achuna ngâlâh dei châ leipa ta, chyhsa to ta niebaw tluana hmeiseihpa ama hnei thei nawpa ta thaina hmeiseihpa ta tobi awpa he New Education Policy ta â chhuahpa a châ.

Ei vaw rei chiehpa zydua palôh liata a chakaihna chô ta, he District ei vaw tly hmiatua chaipa liata he District liata Education system he kheihta ma ama vaw siekhei, hâti zy ta aphahlapa ama hnei ma, achuhaipazy ta khâpa ma achhuahna ama hnei tahpa zy pahno awpa ta ama school zy tly awpa ta atanoh he, he liata School tlypa ta avypa ei châ.

Pachutuhpazy ta School hâtinahzy apha ngâsâpa ta châ nama pachu awpa hnabeiseih na ta, School hâtizy chhao ta nama theina zydua hmâpa ta châ a chupa ta, nâmo châ dei châ leipa ta hmialâ daihti châta patuapaluana hneipa ta ti nata râh apakhaihsa tuhpa nama châ awpa hnabeiseihna hneina chô ta khokheina ei cha hlâ pâ ei, ei châ ly kaw ei.

Hon’ble Governor he atanoh myrâh liata Siaha kaw tlô ta, Siaha Circuit House liata MADC Officials, Religious Leaders, Leaders of  NGOs nata Leaders of Political Parties zy apakyhna a hnei hra. Atazâ Siaha lia a rie aw ta, mylâ liata Chawngte lâ a sie aw.

ISSUED BY:

Information & Publicity Department

Mara Autonomous District Council

Siaha.