Ahmiatua ta Mara zawpi zydua eima Beipa Zisu Krista moh ta Christmas nata Kôthiehpa a vaw tlô awpa anaohna ei cha hlâ ei.

Bible bieta “Ato châta daihti y ta, avâ ry liata ato châta daihti eihpa a y” a tahpa hawh ta atakô Christmas nata Kôthiehpa vaw tlô awpa he chyhsa thokha châta pachârôhna nata mothlih tlanazy châ hrasala, chyhsa hluhpi châta alyna daihti a châ.

Eima Beipa Zisu Krista khizaw liata chakao awpa ta a vaw pina daihti rônah ngaitapa he Krizyhpazy châta cha daihti rôhnapa nata aly tlâh châ ngaitapa châ ta, keimo Marasawzy châta chhochhi cha aly via pachai awpa eima châpa ta ei pahno. Thâtihpha khaihna vâta eima pahno beihleipa, hmô beihleipa, sapa nata thlahpa byhnâ hluhpi eima topa a châ. Marasaw eima vâhnei zie nata Abeipa ta kyh maniah apachâzie he pahno thaipa ta, eimâ ly ngaita awpa a châ.

He daihti rônahpa he Chyhsa hluhpi ta eimâ ly dâh alyu tlâ hra vei sala, eimâ lyna cha Abeipa Khazohpa liata a châ.

Marasaw eima râh khôtho lâta a y pa zydua chhao ta he daihti he aly kawpa ta hmâh chyu awpa ta khokheina hlâ ei na ta, pari theipa nata moleina hropazy tawhtapa asohsipa ta, Khazohpa khona zie hawhta he daihti phapa he hmâh chyu sih la tahpa he ei thlachhâhna a châ. 

Abeipa ta Kô 2021 rairuna hluhpi sie pahliepa ta Di thlâpâ maniah vaw tlôkhei ta, alyna chô ta eima reithai palyupalih awpa a châ.

He Christmas nata Kôthiehpa he ta mo to châta byhnâ hluhpi vaw tlôkhei sala, eima zydua hnoh ta adyhna nata aryhna vaw tlô mawh sy.

Sd/- N. ZAKHAI

Chief Executive Member

Mara Autonomous District Council

Siaha.