PRESS RELEASE

NO.67/2025

SIAHA, 11th Chhiepa, 2025 (Pakhynoh) -   Green Mizoram Day, 2025 pachhaipa ta Siaha to Tipi Ferry Lâthlô nata Siaha to Tisopi Lâtlô liata Thodaw lopa a châ. 

Siaha District ôna chhôh liata Government of Mizoram ry liata Department   ypazy tawhta 26 departments nata Mara Autonomous District Council, Siaha ry liata Department a ypazy tawhta 25 departments zy ta Thodaw lona tlâhrai he ama hria, ahriapa maluh cha 626 ama châ.

Thodaw lona su awpa, Thodaw lo awpazy nata adôhna Ramaw zy he Environment, Forest & Climate change Department, MADC, Siaha ryhraona nata   pachâpa a châ. Sievawna Vehicles nata niedo awpazy cha Department to ta amâ pachâ chyu. 

Thochiah nata Thodaw he bôpa ta vaw loh tyh pi ta, châhrasala amohôh pazina he Forest department ku ngâlâh hawhta pachâna eima hneipa vâta ahrohpa he achyhvia a vaw châ tyh. He vâna heta Forest department ku lia ngâlâh pahnieh leipa ta Zawpi chhaota maophaohna hneihra pi ta, amohôh pazina liata eima theina papua chyu suh vy.

ISSUED BY:

Information & Publicity Department

Mara Autonomous District Council

Siaha.