PRESS RELEASE

NO.100/2022

CHHEIHLU, 25 Thlazoh, 2022, Pobienoh - Atanoh kha Chheihlu khihsawzy ta Chakhei lâ ta Official Tour taopa ta asiepa Puhpa HC. Biakcheuva, EM i/c Forest etc. MADC cha Chheihlu khih liata paduapa ta MTP Hall, Chheihlu liata palyupalihna ama hnei.

Chheihlu khihsaw ta EM zachhihpa Puhpa Biakcheuva châta dyna gate vaw taopa ei ta, pawpi ri chhao ta arônah kawpa ta ama vaw dy. 

MTP Hall liata programme chyupa taopa liata Puhpa K. Khaibei, VC member ta chhihtha ta, ECM Chapi Bia Biatuhpa Pro. Pastor Marvin B. Amiel ta pavaosana hnei ta,  Puhpa Beirôkhu Beitâ, I & PO, MADC ta hmiapahnosana a hnei.

Puhpa HC. Biakcheuva ta biereina chyupa hnei ta, atanoh noh nata daihti pha kawpa miah pie tuhpa nata Chheihlu khihsaw hmia khochhih kawpa a pahmôsa tuhpa Abeipa hnoh ta alynabie reih ta, Khitlâh VC nôpaw, Teachers, NGOs, Students nata a vaw dy tuhpa zawpi hnohta alynabie a reih.

Atanoh liata ama palyupalihna he hrochhôh a my beih lei awpa hmo a châ tah ta, a eihpachaipa ta apalona hry ta a vaw ydy tuhpa siku hawti zydua hnoh ta alybie a reih.

“MADC 12th Term liata hlaotlohna ei vaw tona chhâpa nata Ryureina dyuchhai liata ei vaw tyu theina chhâpa ei za pachâ sualuah nahta he ta Biehrai Pathaipa Hlazy 124:1 bie hawhta Khazohpa ta eima chhâh a châ tah lei thei va na. Eima theina hawhta Mararâh châta hmah la lymâ eimâ chhuah vâta atanoh he Mararâh nochhi lâ Chakhei khih tly awpa ta eimâ khypa a châ” tahpa ta a reih. 

Puhpa HC Biakcheuva, EM zachhihpa he ta Chheihlu khihsawzy ama vaw dyna dâh cha â lyzie pamosa nawpa ta nata Chheihlu ta MTP Hall nata sawhkhâ hmozy ama mohôhna liata reithai tlâh ama châ zie nata â lyzie pamosa nawpa ta MTP châta Silpaulin sâ 1 pie ta, MTP Hall châta Ceiling Fan sâ 3 a pie awpa a reih chhielie hra.

Atanoh liata Siaha tawhta a kaw zi tuhpa a lahpinô Pihnô N. Pawngia, Puhpa Thaly T. Azyu, CF nata a lahpinô Pihnô N. Nango, Puhpa Beirôkhu Beitâ, I & PO, Puhpa CH. Lalhriatpuia, PA to EM, Puhpa T. Pabua, Cameraman nata E & F Staff M. Kyhpachaso & N. Beingolakhongia nata Puhpa HC. Van Hmung, Secy. MNF District HQ zy hnoh ta alynabie reih ta, Chheihlu taihta a zâ ydy tuhpa Puhpa NT. Beithlapalo,FRO Chakhei nata a hrialâhpazy hnohta alynabie a reih.

Chheihluh khihsawzy ta Vao thiepa ta zâpati pahâh kawpa amâ chhuanohpa vâta Puhpa HC. Biakcheuva, EM, MADC ta alynabie a reih.

ISSUED BY:

Information & Publicity Department

Mara Autonomous District Council

Siaha.