(PRESS RELEASE No.26/2020)

CEM’s Relief Fund raipa a châ

SIAHA, 16 Pachawh, 2020, Pobienoh – Atanoh kha CEM’s Relief Fund (MADC) châta sôh avaw tloh pakhypa tawhta rairuahpa ta Siaha Town chhôh liata VLTF zy hnoh ta baona sôh Rs.2,000/- chyu raipa a châ.

He baona he Puhpa Beirôkhu Beitâ, I & PO, MADC nata Puhpa Syuhlô Beichakhei Mara, PS to CEM zy ta ama rai.

Siaha khihchhôh liata VLTF sâ 19 paduapa châ ta, he liata Siaha Vaipi I & II nata Meisatlâh I & II zy cha Joint ta paduapa ama châ tarawpa ta ama raihriana deikua ama area chyu mohôhpa ama châpa vâta CEM’s Relief Fund he pie raihriepa ama châ; chatana chata a zydua ta sâ 21 hnoh ta piepa a châ.

CEM’s Relief Fund (MADC) he MADC Budget liata ahlao leipa, veiseihpazy thyu pakhypa châ ta, bao angiahpa nata hmo peimawh kawpa liata hmâh tyhpa a châ.

Issued by:-

Information & Publicity Office

Mara Autonomous District Council

Siaha