PRESS RELEASE

NO.93/2022

AIZAWL, 4 Thlazoh, 2022, Pobienoh - Atanoh kha Puhpa H. Malvina, CEM nata Puhpa HC. Lalmalsawma Zasai, Dy. CEM zy ta Mizoram Chief Minister Puhpa Zoramthanga a hmô ei ta, MADC peimawhpazy ama tlôkhei.

Ama tlôkheipazy hry liata Warrant of Precedence chôchâh zy, MDC Salary Bill zy, NEC tawhta Education Infrastructure Development tao nawpa châta Rs.7.00 crore zy, MADC hmahsie nawpa ta SPA tawhta Rs.6.00 crore ama peimawh tahpazy ama tlôkhei.

Mizoram Chief Minister chata MADC hyutuhpazy ahawna he a tao theina rakha liata hmah lapa pâ awpa â chhuah aw tahpa chhopa ei ta, âmo mohmo liata châ peimawhpazy chhao a vaw taopa pâ ei. MADC nôpawpazy he ta Mizoram Chief Minister amâ hmôpa he ta thei phapa a pathei cheingei nahta ama pangiasa vâta amâ ly kaw.

MADC nôpawpazy he ta atanoh pyly kha ha Health Minister Dr. R. Lalthangliana nata Health Official zy chhao ta Secretariat Conference Hall liata meeting hnei pazi ei ta, Health Department ta Siaha khihpi chhôh liata hriiah pathaihna châta peimawh hro hropazy liata hmahla amâ chhuahzie nata hrialâh awpa apeimawhna zy ama rei khoh pâ hra.

Health Department zy ta Siaha District hriiah pathaihna kyh liata hmahsie thei nawpa liata Building hluhpi sa achhuahpa ta hmahla amâ chhuahpa cha apeimawhpa nata ângiahpa liata ama theina zydua papua khei amâ chhuahzie MADC nôpawpazy he ta Health Minister nata Health Official zy he ama chho hrapa a châ. 

Health Minister he Principal Secreatry (Health), Law Secretary, Principal Director (Health), Director (DHS), Director (ME) nata official hluhpi ta chakaochahlâ ei ta, MADC CEM nata Dy. CEM he Puhpa J. Vabeikiasa, EM i/c SW, MADC, Puhpa K. Chhihrau, ES, MADC nata Puhpa Pheiki Solo, Sr. RO, MADC zy ta ama chakaochahlâ hra.

ISSUED BY:

Information & Publicity Department

Mara Autonomous District Council

Siaha.