PRESS RELEASE

No.126/2020

SIAHA, 01 THLARÂH, 2020 - 18-Siaha North-I MDC Constituency By-election liata MNF Candidate Puhpa Nahlô Solo atlypatlohpa cha atanoh my dawh 11:30 Am khata Farmers' Training Hall, MADC Siaha liata Oath lana a hnei. He Oath taking Ceremony programme lia heta Puhpa K.Chhihrau, Secretary to the District Council ta chair la ta, Rev. Dr. Lai-u Fachhai, Principal Maraland Theological College Siaha ta Bible Reading & Prayer a hnei. Puhpa Pachi Hlychho, Court President & Recorder District Council Court ta Oath he a palasa.

Legislative Department, MADC lâ tawhta Pawpi (Flower Bouquet) hlâna ama hnei pâ hei hra. MNF Party lâ tawh chhaota Pawpi (Flower Bouquet) hlâna ama hnei hra.

Puhpa N.Zakhai, Chief Executive Member, MADC biereipa tlâhpipazy:

Atanoh he Oath taking ceremony liata biereih thei awpa ta ei ypa he hiakha lâ ta la vâhnei âtah kaw na ta, Puhpa NG. Sila miah â pahâsaipa he pei ei tah hmeiseih. 18-Siaha North-I MDC Constituency By-election liata MNF Candidate Puhpa Nahlô Solo atlypatlohpa ta a vaw ypa he a sôh tah na ta, ei lykhei hmeiseih. Democracy râh liata eima ypa he vâhnei âchhih ngaita. Zawpi khotlypa zawpi ryureina râh liata eima ypa he eima vâhnei hmeiseih. 

He By-election liata tloh thei chyu achhuahpa ta campaign chaimâh ta pi ta, August 26 lia khata atlyhna (By-election) cha vaw hnei pi ta, Puhpa Nahlô Solo cha atlyhpatlohpa a vaw châ haw, aly'pa a châ hmeiseih. Zawpi atlyhpatlohpa a sôhzie he eima pahno via lymâ awpa a byuh. Râh hro lâ la zawpi atlyhpatlohpa he ama pasô ngaita. Genesis liata Ivy nata Ada Abeipa ta sahdô vaih ta palaiseihsa awpa ta a sopa hawh khata, keimo chhao Abeipa ta Missionary miah pie ta, District Council miah pie pâ heih ta, keimo zawpi atlyhpatlohpazy pi heta eima râh phata ta mohôh ta palaiseihsa awpa he a peimawh ngaita. 

Eima râh luhpa (Leader hmiatua penawh) hriapasana zawhzi ta District Council a hmô theipa châ pi ta, aly âchhih ta za ama chhi ngaita. A châhta chichhih kawpa duasu liazy aduah ei ta, ngiachhi amâ chhi ngaita. Âmo zawhzi ta atanoh Autonomous District Council a hnei theipa eima châ. Palyupalihna nata zachhihna ei pie ei. Chavâta keimo Mara chhipho chânazy he eima pasô thai kaw awpa a peimawh ngaita.

ISSUED BY:-

Information & Public Relations Department,

Mara Autonomous District Council,

Siaha.